اسلام آباد(آئی این پی)موٹروے ایم 14 فتح جنگ کے قریب موٹروے پولیس نے کارروائی کرتے ہوئے نان کسٹم پیڈ سامان سے بھرا ہوا ٹرک پکڑ کر ٹرک ڈرائیور گرفتار کر لیا گیا۔
نان کسٹم پیڈ سامان میں سگریٹ، خشک دودھ، کپڑا اور چائنہ سالٹ شامل ہے۔کاروائی خفیہ اطلاعات کی بنیاد پر عمل میں لائی گئی۔ واقعے کی اطلاع پاتے ہی ایس پی ایم 14 بھاری نفری کے ہمراہ موقع پر پہنچ گئے۔موٹروے پولیس کی جانب سے کسٹم حکام کو بھی موقع پر طلب کر لیا گیا بعد ازاں ٹرک کو کسٹم ویئر ہاؤس اسلام آباد منتقل کر دیا گیا جہاں نان کسٹم پیڈ سامان کی مقدار کا اندازہ لگایا جائے گا۔ابتدائی معلومات کے مطابق ٹرک ڈیرہ اسماعیل خان سے راولپنڈی کی جانب جا رہا تھا مزید تحقیقات جاری۔