لاہور( آئی این پی)محکمہ سکولزایجوکیشن نے عارضی اساتذہ کی بھرتیوں کا اعلان کردیا،عارضی بھرتیوں کیلئے درخواستیں آن لائن وصول کی جائیں گی۔
درخواستیں 24 جنوری تک وصول کی جائیں گی،منتخب امیدواروں کے انٹرویو 25 جنوری کو لیے جائیں گے،منتخب امیدواروں کی فہرستیں آن لائن پورٹل پر 31 جنوری کو جاری کی جائیں گی،سکولوں میں ایک لاکھ پندرہ ہزار سے زائد اسامیاں خالی پڑی ہیں۔پنجاب بھر کے 42 ہزار سکولوں میں ضرورت کے تحت اساتذہ کی بھرتیاں کی جائیں گی،بھرتیاں 4 ماہ کے کنٹریکٹ پر یکم فروری سے 31 مئی تک کی جائیں گی،گرمی کی چھٹیوں کے بعد کنٹریکٹ میں دوبارہ توسیع کی جائے گی،امیدوار سکول پنجاب گورنمنٹ ایپ پر 22جنوری سے آن لائن اپلائی کرسکیں گے۔ اپلائی کرنے کے لئے عمر کی حد 21 سے 45 سال مقرر کی گئی ہے،امیدوار کی تعلیمی قابلیت ماسٹر اور گریجویٹ کے ساتھ پروفیشنل ڈگری ہونا لازمی ہے۔