چیئرمین سینیٹ کیخلاف تحر یک عدم اعتماد کبھی کامیاب نہیں ہوگی،غلام سرور خان

  چیئرمین سینیٹ کیخلاف تحر یک عدم اعتماد کبھی کامیاب نہیں ہوگی،غلام سرور خان

  



اسلام آباد (سٹاف رپورٹر) وفاقی وزیر ہوا بازی غلام سرور خان نے اپوزیشن کے بیشتر اراکین کا حکومت سے رابطوں کا انکشاف کرتے ہوئے کہاہے کہ اپوزیشن جماعتوں کے سینیٹرز اپنے جماعت سے نالاں ہیں اور سینیٹر اجلاس میں مجبورا آتے ہیں۔ انہوں نے کہاکہ تحریک عدم اعتماد کبھی کامیاب نہیں ہوگی۔ اپوزیشن کے کئی اراکین اجلاسوں میں ضرور بیٹھتے ہیں مگر چیئرمین سینیٹ کا احترام کرتے ہیں،خفیہ ووٹنگ میں اپوزیشن پٹ جائے گی،اپوزیشن کچھ بھی کرلے تابوت میں آخری کیل ہم ہی ٹھونگیں گے۔گزشتہ روز اپوزیشن کے اجلاس پر ردعمل کا اظہا کرتے ہوئے وفاقی وزیر نے کہاکہ اپوزیشن صادق سنجرانی کا بطور چیئرمین احترام کرے ہم سلیم مانڈوی والا کا بطور ڈپٹی چیئرمین احترام کریں گے۔انہوں نے کہاکہ اپوزیشن کی عدم اعتماد کی ہر تبدبیر ناکام بنائیں گے، حکمت عملی بنالی ہے۔انہوں نے کہاکہ چیئرمین سینیٹ کا رویہ ہمیشہ اپوزیشن کے حق میں بھی رہا۔انہوں نے کہاکہ کل ریکوزیشن اجلاس ہے ہوسکتا ہے عدم اعتماد کی تحریک پیش نہ ہو زیربحث ہو۔انہوں نے کہاکہ پیپلزپارٹی اور مسلم لیگ ن سمیت اپوزیشن میں ہمارے کئی باشعور دوست ہیں۔انہوں نے کہاکہ اپوزیشن جماعتوں کے کۂ لوگ کہہ رہے یہ کام ٹھیک نہیں ہے۔انہوں نے کہاکہ سب سے پہلے ادارے کا احترام ہونا چاہئے۔انہوں نے کہاکہ چیئرمین سینیٹ ایوان کو بہت اچھے طریقے سے چلاتے ہیں۔

غلام سرور خان

مزید : صفحہ اول


loading...