سویا بین کی کاشت کیلئے پانی کے اچھے نکاس والی میرازمین کا انتخاب کیاجائے،ماہرین زراعت کی ہدایت 

 سویا بین کی کاشت کیلئے پانی کے اچھے نکاس والی میرازمین کا انتخاب ...

  



فیصل آباد (بیورورپورٹ)ماہرین زراعت نے کہاہے کہ کاشتکار سویا بین کی کاشت کیلئے 40 سے 50کلوگرام فی ایکڑ معیاری و صاف ستھرابیج استعمال کریں تاکہ اچھی پیداوار کا حصول یقینی ہو سکے نیز سویا بین کی کاشت کیلئے پانی کے اچھے نکاس والی میرازمین کا بھی انتخاب کیاجائے جو اچھی فصل کی ضامن ہو۔ انہوں نے کہاکہ سویابین نہ صرف منافع بخش نقد آور فصل ہے بلکہ اس کے بیج میں 18 سے 21 فیصد تک اعلیٰ معیار کا تیل، 38 سے42 فیصد تک پروٹین پائی جاتی ہے جو دل کے مریضوں کیلئے انتہائی اہمیت کے حامل اجزاء ہیں۔ انہوں نے کہاکہ ہموار زمین میں 2 سے 3 مرتبہ ہل چلا کر 2 سے 3 بار ہی سہاگہ بھی دینا چاہیے نیز سویا بین کی کاشت کی ہمیشہ صبح یا شام کے وقت تر وتر حالت میں کرنی چاہیے۔ انہوں نے کہاکہ بیج کی کاشت سے قبل اس کی اچھی روئیدگی کے بارے میں بھی جانچ پڑتال کرلینی چاہیے اور قطاروں کا درمیانی فاصلہ ڈیڑھ سے 2فٹ رکھتے ہوئے بیج ایک سے دو انچ گہرائی میں بذریعہ ڈرل یا پور کاشت کیا جائے۔ 

مزید : کامرس


loading...