مفت انٹرنیٹ وائی فائی سروس، حکومت نے فیصلہ کرلیا

مفت انٹرنیٹ وائی فائی سروس، حکومت نے فیصلہ کرلیا
مفت انٹرنیٹ وائی فائی سروس، حکومت نے فیصلہ کرلیا

  



لاہور(آئی این پی) پنجاب حکومت کا مفت وائی فائی سروس کو پھر سے بحال کرنے کا فیصلہ، شہریوں کے لیے مفت وائی فائی سروس کو نجی کمپنیوں کے تعاون سے شروع کرنے کے لیے پی آئی ٹی بی بورڈ اور پی اینڈ ڈی کو ٹاسک دے دیا۔ذرائع کے مطابق سابق دور حکومت نے شہریوں کو مفت وائی فائی کی سہولت کی فراہمی کے لیے پنجاب وائی فائی سپاٹ منصوبہ شروع کیا تھا، جس کے تحت 27 کروڑ روپے کی لاگت سے ہاٹ سپاٹ راوٹر شہر کے مختلف عوامی مقامات پر نصب کیے گئے لیکن موجودہ حکومت نے مالی بحران کے باعث اس منصوبے کو روک دیا۔ جس سے پی ٹی سی ایل کی واجب الادا رقم کی ادائیگیاں بھی مشکل ہو گئی تھیں ذرائع کے مطابق واجب الاادا رقم کی کچھ ادائیگیوں کے بعد اب حکومت اس شہری سہولیاتی پروگرام کو پھر سے بحال کرنے جا رہی ہے، جس کے لیے نجی ٹیلی کمیونیکشن کمپنیوں سے رابطے جاری ہیں۔ اس سلسلے میں پی اینڈ ڈی بورڈ اور پی آئی ٹی بی بورڈ نجی کمپنیوں سے تجاویز طلب کر رہے ہیں، جس کے بعد کابینہ سے اس کی منظوری لی جائے گی۔

مزید : علاقائی /پنجاب /لاہور


loading...