ٹرمپ سے ملاقات کے بعد وزیراعظم عمران خان نے امریکہ کو اب تک کی بڑی یقین دہانی کرادی ،ساتھ ہی بھارت کو بھی آڑے ہاتھوں لے لیا

ٹرمپ سے ملاقات کے بعد وزیراعظم عمران خان نے امریکہ کو اب تک کی بڑی یقین دہانی ...
ٹرمپ سے ملاقات کے بعد وزیراعظم عمران خان نے امریکہ کو اب تک کی بڑی یقین دہانی کرادی ،ساتھ ہی بھارت کو بھی آڑے ہاتھوں لے لیا

  



واشنگٹن (ڈیلی پاکستان آن لائن )وزیراعظم عمران خان نے گرمجوشی سے استقبال کرنے پر امریکی صدر ڈونلڈ ٹرمپ کا شکریہ ادا کردیا ۔ان کا کہنا تھا کہ پاکستانی نقطہ نظر سمجھنے کے حوالے سے امریکی صدر کی سوچ اور پاکستانی وفد کو سہولت دینے پر مشکور ہیں ۔مائیکروبلاگنگ ویب سائٹ ٹوئٹر پر ان کا کہنا تھا کہ وائٹ ہاوس کے نجی کوارٹر دکھانے پر امریکی صدر کے مشکور ہیں ۔انہوں نے کہا کہ میں صدر ٹرمپ کو یقین دلاتا ہوں کہ افغانستان میں امن عمل کے لیے پاکستان اپنی پوری طاقت کے ساتھ تعاون فراہم کرے گا ۔وزیراعظم نے کہا کہ بھارتی رد عمل دیکھ کر حیرانگی ہوئی ،امریکی صدر نے مسئلہ کشمیر کے حل کے لیے ثالثی کی پیشکش کی ،اس مسئلے نے ستر سالوں سے بر صغیر کو یرغمال بنا کر رکھا ہوا ہے ۔ان کا کہنا تھا کہ کشمیر لوگ روزانہ مشکلیں برداشت کر رہے ہیں ،اس معاملے کا حل ہونا چاہیے ۔

مزید : قومی