پاکستان میں کورونا سے اموات میں کمی ہورہی ہے، امپیریل کالج

  پاکستان میں کورونا سے اموات میں کمی ہورہی ہے، امپیریل کالج

  

لندن (آئی این پی)امپیریل کالج لندن نے کورونا وائرس کے باعث اموات پر تحقیقی رپورٹ جاری کی ہے جس میں کہا گیا ہے کہ پاکستان میں کورونا سے اموات میں مسلسل کمی ہورہی ہے۔ رپورٹ کے مطابق گزشتہ ہفتے پاکستان میں کورونا سے 371 ہلاکتیں ہوئیں تھیں اور 20 جولائی سے شروع ہوئے ہفتے میں امید ہے کہ اموات مزید کم ہوں گی۔رپورٹ میں کہا گیا ہے کہ آئندہ ہفتے پاکستان میں اموات 247 سے 329 کے درمیان رہیں گی۔ رپورٹ میں بتایا گیا ہے کہ فرد سے فرد میں کورونا منتقلی میں پاکستان چوتھے نمبرپرآگیا ہے تاہم ایک سے دوسرے فرد میں منتقلی میں بھی مسلسل کمی آرہی ہے۔رپورٹ میں کہا گیا ہے کہ عالمی سطح پرفرد سے فرد میں کورونا کے پھیلا کی شرح ایک فیصد ہے لیکن پاکستان میں یہ شرح 0.52 سے 0.83 کے درمیان رہی اور مجموعی طورپرپاکستان میں فرد سے فرد میں منتقلی کی شرح صرف 0.73 ہے۔امپیریل کالج کی رپورٹ کے مطابق فرد سے فرد میں منتقلی کی شرح جتنی کم ہوگی وائرس اتنا کم پھیلے گا۔رپورٹ میں کہا گیا ہے کہ دنیا بھر میں فرد سے فرد میں منتقلی کی سب سے کم شرح پرتگال میں ہے، دوسرے پر جرمنی اور تیسرے نمبر پر نائیجیریا ہے۔

امپیریل کالج

مزید :

صفحہ آخر -