پٹرولیم مصنوعات کی قیمتوں کا تعین ماہانہ کی بجائے کتنے دنوں کے بعد کرنے کی تیاری شروع کر دی گئی ؟ پاکستانیوں کیلئے ایک اور بڑی خبر

پٹرولیم مصنوعات کی قیمتوں کا تعین ماہانہ کی بجائے کتنے دنوں کے بعد کرنے کی ...
پٹرولیم مصنوعات کی قیمتوں کا تعین ماہانہ کی بجائے کتنے دنوں کے بعد کرنے کی تیاری شروع کر دی گئی ؟ پاکستانیوں کیلئے ایک اور بڑی خبر

  

اسلام آباد(ڈیلی پاکستان آن لائن ) پیٹرولیم ڈویژن نے پیٹرولیم مصنوعات کی قیمتوں کا تعین ماہانہ کے بجائے 15 روز کی بنیاد پر کرنے کے لیے سمری اقتصادی رابطہ کمیٹی کو بھیج دی ہے ۔

نجی ٹی وی جیونیوز نے پیٹرولیم ڈویژن کے ذرائع کے حوالے سے کہاہے کہ سمری کا مقصد عالمی مارکیٹ میں تیل کی قیمتوں میں اتار چڑھاو¿ کے تناظر میں مقامی مارکیٹ میں قیمتوں میں توازن قائم رکھنا ہے۔ذرائع کا بتانا ہے کہ ریفائنریز اور آئل مارکیٹنگ کمپنیز بھی پیٹرولیم مصنوعات کی قیمتوں کا تعین 15روزہ بنیاد پر کرنے کا مطالبہ کر رہی ہیں۔

ذرائع کے مطابق 15 روز بعد پیٹرولیم مصنوعات کی قیمتوں کے تعین سے صارفین سمیت کسی سٹیک ہولڈر پر اضافی بوجھ نہیں پڑے گا اور تیل کی سپلائی بھی مستحکم رہے گی۔پیٹرولیم ڈویژن کا کہنا ہے کہ پیٹرولیم مصنوعات کی قیمتوں کا ماہانہ بنیاد پر تعین پیٹرول بحران کی بڑی وجہ ہے۔اس کے علاوہ پیٹرول بحران پر انکوائری رپورٹ کی تیاری آخری مراحل میں داخل ہوگئی ہے جس میں پیٹرول بحران میں آئل مارکیٹنگ کمپنیوں کے گٹھ جوڑ کے ثبوت نہیں ملے ہیں۔

مزید :

بزنس -