اسلام آباد ائیر پورٹ پر چینی شہریوں کو بڑی سہولت دے دی گئی
اسلام آباد (ڈیلی پاکستان آن لائن )اسلام آباد انٹرنیشنل ائیرپورٹ پر چینی شہریوں کے لیے خصوصی امیگریشن کاونٹر قائم کردیا گیا۔وفاقی وزیر داخلہ شیخ رشید احمد نے اسپیشل امیگریشن کاونٹر کا افتتاح کیا۔ خصوصی کاونٹر کے ذریعے چینی مسافروں کی تیز ترین امیگریشن ہوسکے گی جبکہ اس کاونٹر کے ذریعے سی پیک ویزا ہولڈرز بھی استفادہ کرسکیں گے۔خصوصی کاونٹر وزیرداخلہ شیخ رشید کی خصوصی ہدایت پرقائم کیا گیا ہے۔وزارت داخلہ کی جانب سے سی پیک کی علیحدہ کیٹیگری کا ویزا بھی جاری کیا جارہا ہے۔
