روس اپنا انٹر نیٹ تیار کرنے کے آخری مراحل میں پہنچ گیا

روس اپنا انٹر نیٹ تیار کرنے کے آخری مراحل میں پہنچ گیا
روس اپنا انٹر نیٹ تیار کرنے کے آخری مراحل میں پہنچ گیا

  

ماسکو(ڈیلی پاکستان آن لائن ) روس نے عالمی انٹرنیٹ نیٹ ورک سے خود کو منقطع کرنے اورمحفوظ و قابل اعتماد نیٹ سرفنگ کے لیے اپنا انٹرنیٹ لانچ کرنے کو حتمی شکل دے دی ہے۔ روس کا اپنا نیٹ ورک یعنی روسی انٹرنیٹ تکمیل کے آخری مراحل میں داخل ہو گیا ہے۔

ذرائع ابلاغ کے مطابق روس کے صدارتی ترجمان دمتری پیسکوف نے اس سلسلے میں کہا ہے کہ کریملن تسلسل کے ساتھ روس کے اپنے انٹرنیٹ (Runet) کی جانچ پڑتال کر رہا ہے تاکہ اس بات کو یقینی بنایا جا سکے کہ جب یہ عالمی نیٹ ورک سے منقطع ہو جائے گا تو کیسے کام کرے گا؟روس کے صدارتی ترجمان کا کہنا ہے کہ روس کو کسی بھی وقت اپنے انٹرنیٹ پر منتقل ہونے کے لیے تیار رہنا چاہیے۔پسکوف کے مطابق ہم اپنے ملک کے ذاتی انٹرنیٹ Runet کی آزمائشوں سے واقف ہیں جو کہ بہت اہم ہیں۔ انہوں ںے کہا کہ اب ہم ایک ایسی صدی میں جی رہے ہیں جب سائبر کرائم تیزی سے بڑھ رہا ہے۔اس ضمن میں کریملن نے ذرائع ابلاغ کو بتایا ہے کہ اب روس کو اپنا محفوظ اور قابل اعتماد انٹرنیٹ چاہیے جس کی جلد از جلد تکمیل کے لیے برق رفتاری سے کام جاری ہے۔

مزید :

قومی -