امریکی کمپنی " 6 فلیگز" کو سعودی عرب میں سرمایہ کاری کی اجازت

امریکی کمپنی " 6 فلیگز" کو سعودی عرب میں سرمایہ کاری کی اجازت

واشنگٹن (اے پی پی) سعودی نائب ولی عہد شہزادہ محمد بن سلمان بن عبدالعزیز نے اپنے دورہ امریکا کے دوران تفریح فراہم کرنے والی معروف امریکی کمپنی " 6 فلیگز" کے ذمہ داران سے ملاقات کی۔ ملاقات کے نتیجے میں کمپنی کو مملکت میں کام کرنے کی اجازت مل گئی۔ادھر " 6 فلیگز" گروپ کے چیف ایگزیکٹو جان ڈوفے کا کہنا ہے کہ ہمارے گروپ کو سعودی عرب میں داخلے کا موقع ملنا قابل افتخار ہے۔ سعودی حکومت نے اپنے شہریوں کو تفریح کے مزید مواقع فراہم کرنے کے لیے جو حکمت عملی اپنائی ہے وہ سکس فلیگز گروپ کے پاس موجود تفریحی ذرائع سے ہم آہنگ ہے۔انہوں نے مزید کہا کہ ہم سعودی شہریوں کی توقعات کے مطابق تفریح فراہم کرسکتے ہیں۔ ہم مزید تفریحی خدمات اور وافر آپشنز کی فراہمی کے حوالے سے ان کے ملک کے وژن میں شریک ہوں گے۔امریکی گروپ 6 فلیگز کو دنیا بھر میں تفریحی پارکوں کا سب سے بڑا گروپ شمار کیا جاتا ہے۔ شمالی امریکا میں اس کے مقامات کی تعداد 18 ہے۔ ان میں ایمیوزمنٹ پارک، واٹر پارک اور فیملیز کے لیے تفریحی مراکز شامل ہیں۔ سال 2014 کے دوران ان مقامات کا دورہ کرنے والے افراد کی مجموعی تعداد تقریبا 2.5 کروڑٰ رہی۔

مزید : عالمی منظر