مریم نواز این اے 127 سے اور حمزہ شہباز این اے 124 سے الیکشن لڑیں گے ، ٹکٹ جاری کردیا گیا

مریم نواز این اے 127 سے اور حمزہ شہباز این اے 124 سے الیکشن لڑیں گے ، ٹکٹ جاری ...
مریم نواز این اے 127 سے اور حمزہ شہباز این اے 124 سے الیکشن لڑیں گے ، ٹکٹ جاری کردیا گیا

  

لاہور (ڈیلی پاکستان آن لائن) سابق وزیراعظم نواز شریف کی صاحبزادی مریم نواز شریف کوحلقہ این اے 127سے  جبکہ حمزہ شہباز کو این اے 124 لاہور سے الیکشن لڑنے کے لئے ٹکٹ جاری کردیا گیا۔

تفصیلات کے مطابق مسلم لیگ ن کی جانب سے حمزہ شہباز کو ٹکٹ جاری کردیا گیا ہے اور وہ این اے 124 لاہورسے الیکشن لڑیں گے جبکہ خواجہ سعد رفیق این اے 131، عابد شیر علی این اے 108، رانا ثنا اللہ این اے 106، سیالکوٹ سے خواجہ آصف این اے 73اور نارووال سے احسن اقبال این اے 78 سے الیکشن لڑیں گے ۔ سابق وزیر دفاع خرم دستگیر این اے 81 گوجرانوالہ سے میدان میں اتریں گے۔ این اے 123 سے ملک ریاض، این اے 125 سے ملک پرویز اور این اے 126 سے مہر اشتیاق امیدوار ہوں گے۔ این اے 128 پر روحیل اصغر، این اے 129 پر سہیل شوکت بٹ، این اے 130 پر خواجہ احمد حسان، این اے 132 سے شہبازشریف اور این اے 133 سے سپیکر قومی اسمبلی ایاز صادق میدان میں اتریں گے۔

رپورٹ کے مطابق این اے 134 سے رانا مبشر، این اے 135 سے سیف الملوک کھوکھر اور این اے 136 سے افضل کھوکھر الیکشن لڑیں گے۔بلال یاسین نے اس نشست پر الیکشن لڑنے کی خواہش ظاہر کی ہے ۔مسلم لیگ (ن) کی قیادت این اے 125 میں پرویز ملک کو ٹکٹ دینا چاہتی ہے لیکن حلقہ این اے 125 سے پرویز ملک بھی امیدوار ہیں اور وہ صوبائی حلقے پی پی 150 پر بھی بلال یاسین کے ساتھ الیکشن کے لیے تیار نہیں۔

مزید : قومی /اہم خبریں