چیمپئنز لیگ ، بھارت نے پاکستان کو 0-4 سے شکست دیدی

چیمپئنز لیگ ، بھارت نے پاکستان کو 0-4 سے شکست دیدی
چیمپئنز لیگ ، بھارت نے پاکستان کو 0-4 سے شکست دیدی

  

بریڈا (ڈیلی پاکستان آن لائن ) ہالینڈ کے شہر بریڈا میں چیمپئنز لیگ کے میچ میں بھارت نے پاکستان کو 0-4 سے شکست دیدی ہے ۔

تفصیلات کے مطابقپاکستان کی ٹیم نے نے ٹورنامنٹ میں انتہائی مایوس کن آغاز کیا اور اسے پہلے ہی میچ میں روایتی حریف سے بدترین شکست کا سامنا کرنا پڑا۔بھارتی ٹیم نے کھیل کی ابتداءسے ہی پاکستان ٹیم پر دباو بنائے رکھا اور 26 ویں منٹ رمن دیپ سنگھ نے گول کرکے ٹیم کو برتری دلائی۔بھارت کی جانب سے دوسرا گول دلپریت سنگھ نے 54 ویں منٹ میں کیا اور ٹیم کو 0-2 کی برتری دلادی۔پاکستان نے آخری پانچ منٹ میں گول کیپر کو بٹھا کر اضافی کھلاڑی کو موقع دیا لیکن قومی ٹیم کی یہ حکمت عملی بھی ناکام ہوئی اور بھارت نے اس دوران مزید 2 گول داغے گئے۔بھارت کی جانب سے تیسرا گول کھیل کے 57 ویں منٹ میں مندیپ سنگھ جب کہ چوتھا گول آخری منٹ میں للیت اپادھے نے کیا۔ یاد رہے کہ یہ آخری چیمپیئنز ٹرافی ہے جس کے بعد اس ایونٹ کا سلسلہ ختم ہو جائے گا اور 2019 سے اس کی جگہ ہاکی پرو لیگ (ایچ پی ایل) شروع کی جائے گی۔یاد رہے کہ پاکستان ہاکی فیڈریشن کے سابق صدر ائیر مارشل (ر) نور خان نے چیمپئنز ٹرافی کا آئیڈیا پیش کیا تھا جس کے بعد پہلی چیمپیئنز ٹرافی 1978 میں لاہور میں منعقد ہوئی تھی۔

مزید : کھیل