برف پگھلنے لگی ،مسلم لیگ (ن) کا چودھری نثار کے مقابل پارٹی امیدوار نہ لانے فیصلہ

برف پگھلنے لگی ،مسلم لیگ (ن) کا چودھری نثار کے مقابل پارٹی امیدوار نہ لانے ...
برف پگھلنے لگی ،مسلم لیگ (ن) کا چودھری نثار کے مقابل پارٹی امیدوار نہ لانے فیصلہ

  

اسلام آباد (ڈیلی پاکستان آن لائن)مسلم لیگ ن کی جانب سے چودھری نثا ر کے لئے پارٹی کے دروازے کھلے رکھنے کا فیصلہ کر لیا گیا جس کے بعد چودھری نثار کے مقابل کسی امیدوار کو پارٹی ٹکٹ نہیں دیا جائیگاجبکہ چودھر ی نثار بھی بیان باز ی میں احتیاط سے کام لیں گے ۔

نجی ٹی وی ”جیونیوز“ نے ذرائع کے حوالے سے دعویٰ کیا ہے کہ مسلم لیگ ن کی قیادت کی جانب سے فیصلہ کیا گیا ہے کہ چودھری نثار کے لئے پارٹی کے دروازے بند نہیں کئے جائیں گے ۔ اس مقصد کے لئے ان کے خلاف کسی امیدوار کو مسلم لیگ ن کا ٹکٹ جاری نہیں کیا جائے گا اور چودھری نثار کیلئے مسلم لیگ ن میں شمولیت کی راہیں کھلی رکھی جائیں گی ۔ مسلم لیگ ن کے قائد نواز شریف اس فیصلے کی حتمی منظوری دیں گے۔ اس حوالے سے چودھری نثار نہ حریف اور حلیف کی حکمت عملی اپنائی جائے گی ۔ ذرائع کے مطابق چودھری نثار کی جانب سے بھی بیان باز ی میں احتیاط سے کام لیا جائے گا۔

مزید : اہم خبریں /قومی