کشمیر کی آزادی کوترجیح دیں گے:بھارتی کانگریس رہنما

کشمیر کی آزادی کوترجیح دیں گے:بھارتی کانگریس رہنما
کشمیر کی آزادی کوترجیح دیں گے:بھارتی کانگریس رہنما

  

نئی دہلی (اے این این)بھارتی کانگریس رہنما نے کہا ہے کہ کشمیر کی آزادی کوترجیح دیں گے،بھارتی حکومت کوحریت کانفرنس سے مذاکرات کرناچاہیے۔میڈیارپورٹس کے مطابق مقبوضہ کشمیرسے تعلق رکھنے والے کانگریس لیڈر نے اعتراف کیا ہے کہ کشمیری عسکریت پسندوں کے خلاف سخت گیرموقف سے کام نہیں چلے گا،ہتھیاراٹھانے والے کشمیری نوجوانوں کے ذہن کوسمجھناہوگا۔سیف الدین سوز نے کہا کہ واجپائی اگرحزب المجاہدین سے بات کرسکتے تھے تومودی حکومت کیوں نہیں؟ مقبوضہ کشمیرمیں طاقت کااستعمال نہیں چلے گا،آپ مارسکتے ہیں،مارتے جائیں مگراس سے مسئلہ کاحل نہیں نکلے گا۔کانگریس لیڈر کا کہنا ہے کہ بی جے پی نے کشمیرمیں محبوبہ مفتی سے اتحاد2019 کے انتخابات کے سبب توڑاہے،بی جے پی 2019انتخابات کیلیے مہم ممکنہ طورپرجموں سے شروع کرے گی۔

مزید : بین الاقوامی