کورونا وائرش کا شکار شاداب خان نے مداحوں کیلئے پیغام جاری کر دیا

کورونا وائرش کا شکار شاداب خان نے مداحوں کیلئے پیغام جاری کر دیا
کورونا وائرش کا شکار شاداب خان نے مداحوں کیلئے پیغام جاری کر دیا

  

لاہور (ڈیلی پاکستان آن لائن) عالمگیر موذی وباءکورونا وائرس کا شکار ہونے والے قومی کرکٹ ٹیم کے نوجوان آل راﺅنڈر اور پاکستان سپر لیگ (پی ایس ایل) میں اسلام آباد یونائیٹڈ کی قیادت کرنے والے شاداب خان نے مداحوں کیلئے پیغام جاری کر دیا ہے۔

تفصیلات کے مطابق شاداب خان نے سماجی رابطوں کی ویب سائٹ ٹوئٹر پر جاری اپنے پیغام میں لکھا ”کورونا وائرس کی رپورٹ مثبت آئی ہے۔ برائے مہربانی مجھے اپنی دعاﺅں میں یاد رکھیں۔ میں بھی تمام لوگوں کی حفاظت کیلئے دعاگو ہوں، آپ سب محفوظ رہیں۔“

واضح رہے کہ دورہ انگلینڈ کیلئے منتخب قومی سکواڈ کے کھلاڑیوں کے کورونا ٹیسٹ ہوئے تو شاداب خان، حیدر علی اور حارث رﺅف کے کورونا ٹیسٹ مثبت آئے ہیں۔ تینوں کھلاڑیوں میں کورونا کی کوئی علامات ظاہر نہیں ہوئیں ، ان کے ٹیسٹ اتوار کے روز راولپنڈی میں کئے گئے تھے اور اب انہیں ازخود قرنطینہ اختیار کرنے کی ہدایت کر دی گئی ہے۔

مزید :

کھیل -کورونا وائرس -