”میں نے ابھی ابھی خبر سنی ہے کہ میرے 10 ساتھی کھلاڑی کورونا کا شکار ہوئے ہیں اور میں۔۔۔“ احمد شہزاد بھی میدان میں آ گئے

”میں نے ابھی ابھی خبر سنی ہے کہ میرے 10 ساتھی کھلاڑی کورونا کا شکار ہوئے ہیں ...
”میں نے ابھی ابھی خبر سنی ہے کہ میرے 10 ساتھی کھلاڑی کورونا کا شکار ہوئے ہیں اور میں۔۔۔“ احمد شہزاد بھی میدان میں آ گئے

  

لاہور (ڈیلی پاکستان آن لائن) پاکستان کرکٹ ٹیم کے اوپننگ بلے باز احمد شہزاد نے اپنے ساتھی کرکٹرز کے کورونا وائرس کے ٹیسٹ مثبت آنے پر ان کی جلد صحت یابی کی دعا کی ہے۔

تفصیلات کے مطابق احمد شہزاد نے سماجی رابطوں کی ویب سائٹ ٹوئٹر پر جاری اپنے پیغام میں لکھا ”میں نے ابھی خبر سنی ہے کہ میرے 10 ساتھی کھلاڑیوں کے کورونا ٹیسٹ کے نتائج مثبت آئے ہیں۔ میں ان تمام کھلاڑیوں کی جلدصحت یابی کیلئے دعاگو ہوں ، آپ سب جانتے ہیں کہ کیسے اس وائرس کا مقابلہ کر کے اسے جلد شکست فاش دینی ہے۔ انشاءاللہ۔“

واضح رہے کہ پی سی بی کی جانب سے 35 کھلاڑیوں اور ٹیم آفیشلز کے پیر کے روز کورونا ٹیسٹ کرائے گئے تھے جن میں سے 10 کھلاڑیوں اور ایک ٹیم آفیشل کے ٹیسٹ مثبت آئے ہیں۔ فخر زمان، عمران خان سینئر، کاشف بھٹی، محمد حفیظ، محمد حسنین، محمد رضوان اور وہاب ریاض کے علاوہ حیدر علی، حارث رﺅف اور شاداب خان کے کورونا ٹیسٹ مثبت آئے ہیں جس کے بعد ان کھلاڑیوں کو ازخود قرنطینہ اختیار کر نے کی ہدایات جاری کی گئی ہیں۔

مزید :

کھیل -