سندھ اسمبلی میں متحدہ ارکان کا احتجاج ،سپیکر ڈائس کے سامنے دھرنا دےدیا ، ایوان میں نعرے بازی 

سندھ اسمبلی میں متحدہ ارکان کا احتجاج ،سپیکر ڈائس کے سامنے دھرنا دےدیا ، ...
سندھ اسمبلی میں متحدہ ارکان کا احتجاج ،سپیکر ڈائس کے سامنے دھرنا دےدیا ، ایوان میں نعرے بازی 

  

کراچی (ڈیلی پاکستان آن لائن) سندھ اسمبلی میں بجٹ بحث کے پانچویں روز ایم کیو ایم پاکستان نے بجٹ تقاریر میں حصہ تو لیا تاہم ایوان میں شدید احتجاج بھی کیا اور سپیکر ڈائس کے سامنے دھرنا دے دیا۔

متحدہ قومی موومنٹ کے پارلیمانی لیڈر کنور نوید جمیل نے کہا کہ ایم کیو ایم سندھ کے بجٹ کو مسترد کرتی ہے بجٹ میں کراچی کو نظر انداز کیا گیا,سندھ حکومت کراچی سے 4 سو ارب جمع کرتی ہے لیکن شہر کو دیتی کچھ نہیں ہے۔ایم کیو ایم پاکستان کے اراکین نے ایوان میں نعرے لگائے اور بینرز لے کر دھرنا دے دیا۔وزیراعلی سندھ مراد علی شاہ نے ایم کیو ایم ارکان سے بیٹھنے اور بات سننے کی درخواست کی۔کنور نوید جمیل نے کہا حکومت کا رتبہ ماں کے برابر ہوتا ہے لیکن موجودہ حکومت کا رویہ سوتیلی ماں کا نہیں ڈائن کا ہے۔

مزید :

علاقائی -سندھ -کراچی -