سلمان خان بھی گرین انڈیا مہم کا حصہ بن گئے

سلمان خان بھی گرین انڈیا مہم کا حصہ بن گئے
سلمان خان بھی گرین انڈیا مہم کا حصہ بن گئے

  

حیدرآباد(ڈیلی پاکستان آن لائن) سلمان خان نے  ایک پودا لگا کر گرین انڈیا چیلنج میں حصہ لیا اور اپنے مداحوں سے ماحول کی حفاظت کے لیے درخت لگانے کی درخواست بھی کی۔

انڈیا ٹو ڈے کے مطابق سلمان نے راموجی فلم سٹی میں ایک پودا لگایا جہاں وہ اپنی آنے والی فلم ”کبھی عید کبھی دیوالی“ کی شوٹنگ کر رہے تھے۔ ان کے ساتھ راجیہ سبھا کے رکن پارلیمنٹ اور گرین انڈیا کے بانی جے سنتوش کمار اوران کی فلم کے باقی لوگ بھی موجود تھے۔

ادکار نے اس مشن کی تعریف کرتے ہوئے کہا کہ "درخت لگانا بہت اچھی چیز ہے، پتہ نہیں لوگ درختوں کو کاٹنے میں کیوں دلچسپی لیتے ہیں، کہا جاتا ہے کہ جب آدمی بڑھنا چھوڑ دے تو درخت لگانا چاہیے۔ درخت ساکت آدمی ہے اور آدمی چلتے پھرتے درخت ہیں۔

سلمان خان نے کہا کہ ہر فرد کو شجر کاری کے پروگرام کی ذمہ داری قبول کرنی چاہیے، یہ بدقسمتی  ہے کہ قدرتی آفات، شدید بارشوں اور سیلاب سے انسانی نقصان بہت زیادہ ہے،اس  نقصان کو روکنے کا واحد حل بڑے پیمانے پر شجرکاری کو فروغ دینا ہے۔

گرین انڈیا کے بانی جے سنتوش کمار نے  گرین انڈیا چیلنج میں شامل ہونے پر بالی ووڈ سٹار  کا  شکریہ ادا کیا اور  کہا کہ سلمان کا پودا لگانے کا اقدام یقینی طور پر ان کے کروڑوں مداحوں کو متاثر کرے گا۔

مزید :

تفریح -