وزیر خزانہ عملاً آئی ایم ایف کا غلام ہوتا ہے، سراج الحق

چارسدہ (ڈیلی پاکستان آن لائن) امیر جماعت اسلامی سراج الحق نے کہا ہے کہ پاکستان میں  جو بھی وزیر خزانہ آیا عملاً آئی ایم ایف کا غلام ہوتا ہے۔ 

چارسدہ میں جلسے سے خطاب کرتے ہوئے سراج الحق نے کہا ہے کہ  وزیر اعظم بھیک مانگ کر قوم کو شرمندہ کروا رہے ہیں، حکمران بھیک مانگ کر شرمندگی بھی محسوس نہیں کرتے،  قوم کو معاشی بدحالی کا سامنا ہے،امن اور خوشحالی آئی ایم ایف کی غلامی سے ممکن نہیں ہے۔انہوں نے کہا کہ یونان میں مرنے والے نوجوان قوم کے حکمرانوں سے سوال کر رہے ہیں، ملک میں انصاف کا دہرا معیار ہے، پٹواری اور تھانے کا سیاسی کلچر عام ہے۔ 

امیر جماعت اسلامی سراج الحق نے مزید کہا کہ عوام ذاتی سیاست کو مسترد کر چکے ہیں، قوم پوچھ رہی ہے کہ ایک کروڑ نوکریاں کہاں ہیں، حکمران مودی کے سامنے سرنڈر ہو چکے، ان کو اپنی عیاشیوں سے فرصت کہاں ہے،  وفاق کے پی کے کو اپنا حق دے۔