ہمیشہ کردار سے انصاف کرنے کی کوشش کرتی ہوں، سمل شیخ
لاہور(فلم رپورٹر) اداکارہ و ماڈل سمل شیخ نے کہا ہے کہ فنکار کی حقیقت سے قریب تر پرفارمنس ہی اسے نئی شناخت دینے کا سبب بنتی ہے جبکہ اس کے اندر پائی جانیوالی صلاحیتیں ہی اسے عروج دلاتی ہیں۔ ان خیالات کا اظہار انہوں نے خصوصی گفتگو کر تے ہوئے کیا۔ انکا کہنا تھا میری کوشش ہوتی ہے کہ کریکٹر میں ڈھل جاؤں تاکہ دیکھنے والوں کو اصل کا گمان ہو، میں نے اب تک بے شمار کردار ادا کئے مگر شارٹ مووی کسک میں ملنے والا کریکٹر بڑا پاورفل ہے۔انہوں نے کہا پاکستان میں ٹی وی ڈرامہ ا س وقت اپنی بلندیوں کو چھو رہا ہے، معاشرے کے جیتے جاگتے موضوعات پر ڈرامے بن رہے ہیں اور اب ان ڈراموں سے نکلنے والے فنکار فلموں میں اپنی صلاحیتوں کا لوہا منوا رہے ہیں۔ انہوں نے کہا میں ان دنوں دو ڈراموں کی ریکارڈنگ میں مصروف ہوں جو آئندہ سال کے شروع میں آن ایئرجائیں گے۔
