وزیر داخلہ کی الیکشن کمیشن سے اسلام آباد میں مقامی حکومتوں کے انتخابات ملتوی کرنے کی اپیل
اسلام آباد (این این آئی)وزیر داخلہ رانا ثناءاللہ نے الیکشن کمیشن سے وفاقی دارالحکومت میں مقامی حکومتوں کے انتخابات کے التوا کی درخواست کرتے ہوئے کہا ہے عام انتخابات سے قبل بلدیاتی انتخابات کر نے سے عام انتخابات پر اثرپڑےگااور پیچیدگی ہو گی۔جمعرات کو الیکشن کمیشن کے اہم اجلاس میں شرکت کے بعد صحافیوں سے گفتگو کرتے ہوئے رانا ثنا ءاللہ نے کہا نو مئی کے بعد ملک میں انتخابات کیلئے ماحول سازگار بنایا جا چکا ہے۔ انہوں نے کہا انتخابات مقررہ وقت پر اور صاف و شفاف ہونگے،ایسے وقت میں بلدیاتی انتخابات جنرل الیکشن پر اثر انداز ہو سکتے ہیں۔ مسلم لیگ (ن )اور پیپلز پارٹی میں اختلافات کے حوالے سے انہوں نے کہا اختلاف جمہوریت کا حسن ہے ، مختلف مسائل پر دونوں جماعتوں کا اپنا اپنا نکتہ نظر ہے۔ نواز شریف کہ وطن واپسی کے حوالے سے رانا ثناءاللہ نے کہا نواز شریف آئندہ عام انتخابات سے پہلے وطن واپس آئیں گے اور مسلم لیگ (ن )کی انتخابی مہم کی سربراہی کریں گے۔
وزیر داخلہ
