پشاورہائیکورٹ ، شاہ محمود،اسد عمرکی ایک روزہ راہداری ضمانت منظور 

 
ملتان(مانیٹرنگ ڈیسک)پشاورہائیکورٹ نے پی ٹی آئی رہنماﺅں شاہ محمود قریشی اوراسد عمرکی ایک روزہ راہداری ضمانت منظورکرلی ،پشاورہائیکورٹ نے کیس کی سماعت کرتے(بقیہ نمبر54صفحہ7پر )
 ہوئے دونوں رہنماﺅں کی ایک روزہ راہداری ضمانت منظورکرتے ہوئے شاہ محمود قریشی اور اسد عمر کو جمعہ (آج) تک گرفتار نہ کرنے کا حکم دیا،عدالت نے دونوں رہنماﺅں کو (آج) اسلام آباد عدالت میں پیش ہونے کی ہدایت کی ہے ،گرفتاری کے خوف سے شاہ محمود قریشی اور اسد عمر نے راہداری ضمانت کے لئے پشاور ہائیکورٹ سے رجوع کرتے ہوئے کیس کی سماعتفوری مقرر کرنے کی استدعا کی تھی،دونوں رہنماﺅں کے خلاف دفعہ 144کی خلاف ورزی، پولیس پر پتھراﺅ کا مقدمہ درج ہے اسلام آباد کی مقامی عدالت نے دونوں رہنماﺅں کی ضمانت خارج کی تھی۔ پاکستان تحریک انصاف کے رہنما شاہ محمود قریشی نے کہا ہے کہ انصاف کا جھنڈا اب بھی ہاتھ میں ہے، وقت ثابت کرے گا کہ کون کہاں کھڑا ہے، پی ٹی آئی ایک حقیقت ہے ایک نظریہ ہے، جسے پختونخوا نے سب سے پہلے قبول کیا اب پورے پاکستان نے قبول کرلیا ہے، جمعرات کو پشاور ہائیکورٹ میں میڈیا سے گفتگو کرتے ہوئے شاہ محمود قریشی نے کہا کہ ہمیں گرفتاری کا خدشہ تھا، پشاور ہائیکورٹ آگئے اور ہمیں راہداری ضمانت دی گئی، جمعہ کو (آج) ہم اسلام آباد ہائیکورٹ میں پیش ہونگے،انہوں نے کہا کہ چیف جسٹس پشاور ہائیکورٹ کا شکریہ ادا کرتا ہوں کہ انھوں نے کیس سماعت کے لئے مقرر کیا، انصاف لائرز فورم (آئی ایل ایف)کے وکلا کا بھی شکریہ جنہوں نے اتنے کم وقت میں درخواست دائر کی اور ہماری میزبانی کی، پختون رواج کے مطابق انھوں نے ثابت کیا کہ وہ تعلق نبھانا جانتے ہیں،شاہ محمود قریشی کا کہنا تھا کہ وقت ثابت کرے گا کہ کون کہاں کھڑا ہے، پی ٹی آئی ایک حقیقت ہے ایک نظریہ ہے، جسے پختونخوا نے سب سے پہلے قبول کیا اب پورے پاکستان نے قبول کرلیا ہے،شاہ محمود قریشی نے کہا کہ پی ٹی آئی قومی پارٹی ہے جس کا مستقبل روشن ہے، اب بھی انصاف کا جھنڈا میرے ہاتھ میں ہے، 2011میں اس جھنڈے کو میں نے تھاما ہے، انہوں نے کہا کہ پرویز خٹک ہمارے ساتھ رہے ہیں، پارٹی نے ان کو جو سوال بھیجے ہیں ان کا جواب آئے گا تو پھر بات کریں گے۔

ضمانت منظور