یہ ناتوانی مقدر میں کس نے لکھ ڈالی۔۔۔

یہی دعا ہے مری تجھ کو ہم سفر ہو نصیب
تجھے بھی نخلِ تمنا کی رہگزر ہو نصیب

یہ ناتوانی مقدر میں کس نے لکھ ڈالی
تو بامراد ہوتجھ کو بھی زوروزر ہو نصیب

جھکے نہ غیرکےآگے خمیدہ ہو نہ کبھی
تجھے بھی دوش پہ ایساکشیدہ سرہو نصیب 

یہ اضطراب ِمسلسل یہ بےکلی کب تک
سکوں ہو جس میں میسرتجھے وہ گھر ہو نصیب

دعائیں صحنِ حرم کی ہوئی ہیں رزقِ ہوا
دعائیں سب کے ہیں لب پر مگر اثر ہو نصیب

کھلے گا خط کا نہ مضمون رازداں ہی سہی
زباں نہ منہ میں ہوجس کےوہ نامہ بر ہو نصیب 

کہاں کہاں نہ اسے ڈھونڈتے پھرے ہم بھی
وہیں پہ دھونی رما ئیں حسن وہ در ہو نصیب

کلام : حسن عسکری کاظمی