قائد مسلم لیگ (ن )میاں نواز شریف کی آئندہ ماہ وطن واپسی متوقع
اسلام آباد (ڈیلی پاکستان آن لائن) مسلم لیگ( ن) کے قائد اور سابق وزیر اعظم نواز شریف کی آئندہ ماہ وطن واپسی متوقع ہے۔
"دنیا نیوز" کے مطابق آئندہ ماہ نواز شریف کی وطن واپسی سے متعلق ان کی لیگل ٹیم نے بھی عندیہ دے دیا ہے ،اس سے قبل قائد (ن) لیگ نواز شریف، وزیر اعظم شہباز شریف کے ساتھ لندن سے دبئی جائیں گے، جہاں سے ان کی سعودی عرب روانگی بھی ممکن ہے۔
واضح رہے کہ وزیراعظم شہباز شریف آج فرانس سے لندن جائیں گے جہاں وہ لیگی قائد سے ملاقات کریں گے، ملاقات میں نگران سیٹ اَپ کے قیام اور دیگر معاملات پر بھی تبادلہ خیال کیا جائے گا۔
میاں نواز شریف کی آئندہ ماہ وطن واپسی متوقع ){kind=link}