گووندا نے 19 سالہ لڑکی سے شادی کو خفیہ کیوں رکھا؟

گووندا نے 19 سالہ لڑکی سے شادی کو خفیہ کیوں رکھا؟
گووندا نے 19 سالہ لڑکی سے شادی کو خفیہ کیوں رکھا؟

  IOS Dailypakistan app Android Dailypakistan app

دبئی(ڈیلی پاکستان آن لائن )معروف اداکاروں کی نجی زندگی یوں تو سب کی توجہ حاصل کر لیتی ہے تاہم کچھ مشہور شخصیات کی زندگی کے لمحات اپنی انفرادیت کی بدولت مقبول ہوجاتے ہیں۔
حال ہی میں معروف بھارتی اداکار گووندا کی اہلیہ نے بھی اپنی شادی سے متعلق ایک ایسا انکشاف کیا ہے، جو کہ سوشل میڈیا صارفین کی توجہ خوب سمیٹ رہا ہے۔اداکار اور ان کی اہلیہ سنیتا آہوجا ڈانس رئیلٹی شو میں مدعو تھے تاہم سنیتا کی جانب سے اپنی نجی زندگی سے متعلق دلچسپ انکشاف کیا، جس پر مادھوری ڈکشت بھی حیران رہ گئیں۔سنیتا کا مادھوری کو مخاطب کر کے کہنا تھا کہ میری شادی اس وقت ہوئی میں 18 سال کی تھی اور میری بیٹی 19 سال کی عمر میں پیدا ہوئی۔ اس پر بھارتی سنگھ اور مادھوری بھی حیران رہ گئیں۔سنیتا کا بتانا تھا کہ چیچی (گووندا) اس وقت تک ہیرو بن گئے تھے تو ان دنوں میری ساس نے مجھے شادی کے وقت کہا تھا کہ تم دونوں خفیہ شادی کرو۔گووندا کی اہلیہ کا کہنا تھا کہ ان دنوں یہ رواج بھی عام تھا کہ اگر ہیرو کی شادی ہوگئی ہو اور پھر اس کا کیریئر ختم ہو جاتا تھا، یہی وجہ تھی کہ ہم نے 1 سال تک اپنی شادی کو چھپا کر رکھا تھا۔واضح رہے اداکار گووندا کا شمار ان اداکاروں میں ہوتا ہے جن کی پہلی اولاد اس دنیا میں آنے سے پہلے ہی موت کا شکار ہو گئی تھی، سنیتا نے قبل از وقت بچے کو جنم دیا تھا، جس پر کمزوری کے باعث وہ اس دنیا میں آنے سے پہلے ہی موت کا شکار ہو گئی تھی۔گووندا اس حوالے سے بتاتے ہیں کہ نومولود کی موت نے انہیں اور اہلیہ کو ایک دوسرے کو سمجھنے اور ساتھ دینے میں مدد کی تھی۔

مزید :

تفریح -