ٹی ٹوئنٹی ورلڈ کپ کی تاریخ میں اب تک کتنی ہیٹ ٹرکس ہوئیں؟

ٹی ٹوئنٹی ورلڈ کپ کی تاریخ میں اب تک کتنی ہیٹ ٹرکس ہوئیں؟
ٹی ٹوئنٹی ورلڈ کپ کی تاریخ میں اب تک کتنی ہیٹ ٹرکس ہوئیں؟

  IOS Dailypakistan app Android Dailypakistan app

نیویارک (ڈیلی پاکستان آن لائن )ٹی ٹوئنٹی ورلڈ کپ کا 9واں ایڈیشن امریکہ اور ویسٹ انڈیز کی مشترکہ میزبانی میں کھیلا جا رہا ہے۔ جمعہ کو ٹی20 ورلڈ کپ 2024 کے سپر 8 میچ میں ایک بڑا ریکارڈ بنا۔ یہ ریکارڈ آسٹریلیا کے فاسٹ بالر پیٹ کمنز نے بنایا تھا۔
 ٹی20 ورلڈ کپ کی تاریخ میں پہلی ہیٹ ٹرک سابق آسٹریلیائی فاسٹ بالر بریٹ لی نے 2007 کے ٹی20 ورلڈ کپ میں بنگلہ دیش کے خلاف کی تھی۔ انہوں نے 17ویں اوور کی تیسری گیند پر شکیب الحسن (16)، چوتھی گیند پر مشرفی مرتضیٰ (0) اور پانچویں گیند پر آلوک کپالی (0) کا وکٹ حاصل کیا۔
 آئرلینڈ کے بالر کرٹس کیمپر نے ٹی ٹوئنٹی ورلڈ کپ کی تاریخ میں دوسری ہیٹ ٹرک کی۔ انہوں نے ٹی ٹوئنٹی ورلڈ کپ 2021 میں نیدرلینڈ کے خلاف 4 گیندوں پر 4 وکٹ لے کر ڈبل ہیٹ ٹرک کی، جس کے ساتھ وہ منفرد کارنامہ انجام دینے والے پہلے بالر بن گئے۔سری لنکا کے لیگ سپنر وینندو ہسرنگا نے ٹی ٹوئنٹی ورلڈ کپ کی تاریخ میں تیسری ہیٹ ٹرک کی۔ انہوں نے یہ ہیٹ ٹرک ٹی20 ورلڈ کپ 2021 میں جنوبی افریقہ کے خلاف کی تھی۔ ہاسرنگا نے 15ویں اوور کی آخری گیند پر ایڈن مارکرم (19) کو آوٹ کیا۔ پھر 17ویں اوور کی پہلی گیند پر ٹیمبا باوما (46) اور دوسری گیند پر ڈوین پریٹوریئس (0) کو آؤٹ کیا۔ ٹی 20 ورلڈ کپ کی تاریخ میں ہیٹ ٹرک کرنے والے چوتھے بالر جنوبی افریقہ کے کاگیسو رباڈا ہیں۔ انہوں نے ٹی20 ورلڈ کپ 2021 میں انگلینڈ کے خلاف ہیٹ ٹرک کی۔ رباڈا نے 20ویں اوور کی پہلی گیند پر کرس ووکس (7)، دوسری گیند پر آئن مورگن (17) اور تیسری گیند پر کرس جارڈن (0) کو آوٹ کیا تھا۔ ٹی ٹوئنٹی ورلڈ کپ کی تاریخ میں پانچویں ہیٹ ٹرک یو اے ای کے بالر کارتک میپن نے حاصل کیا۔ انہوں نے ٹی20 ورلڈ کپ 2022 میں سری لنکا کے خلاف ہیٹ ٹرک کی۔ میاپن نے 15ویں اوور کی چوتھی گیند پر بھانوکا راجا پاکسے (5)، پانچویں گیند پر چارتھ اسالنکا (0) اور چھٹی گیند پر داسن شاناکا (0) کو آؤٹ کیا۔آئرلینڈ کے فاسٹ بالر جوشوا لٹل ٹی ٹوئنٹی ورلڈ کپ کی تاریخ میں ہیٹ ٹرک کرنے والے چھٹے بالر ہیں۔ انہوں نے 2022 کے ٹی20 ورلڈ کپ میں ایڈیلیڈ میں نیوزی لینڈ کے خلاف ہیٹ ٹرک کی تھی۔ اس میچ میں لٹل نے 19ویں اوور کی دوسری گیند پر کین ولیمسن (61)، تیسری گیند پر جمی نیشم (0) اور چوتھی گیند پر مچل سینٹنر (0) کو آؤٹ کیا۔آسٹریلیا کے پیٹ کمنز ٹی ٹوئنٹی ورلڈ کپ کی تاریخ میں ہیٹ ٹرک کرنے والے ساتویں بالر بن گئے ہیں۔ انہوں نے ٹی20 ورلڈ کپ 2024 میں بنگلہ دیش کے خلاف ہیٹ ٹرک کی ہے۔ کمنز نے 18ویں اوور کی پانچویں گیند پر محمود اللہ (2)، چھٹی گیند پر مہدی حسن (0) اور 20ویں اوور کی پہلی گیند پر توحید ہردیے (40) کو آؤٹ کر کے ہیٹ ٹرک کا کارنامہ انجام دیا۔

مزید :

کھیل -