مفتی نعیم میں کرونا وائرس کی خبروں پر جامعہ بنوریہ کے ترجمان کا موقف بھی آگیا
کراچی (ڈیلی پاکستان آن لائن) سوشل میڈیا پر یہ دعویٰ کیا جارہا تھا کہ جامعہ بنوریہ العالمیہ کے مہتمم مفتی نعیم میں کرونا وائرس کی تصدیق ہوگئی ہے تاہم اب ان افواہوں کی تردید سامنے آگئی ہے۔
ترجمان جامعہ بنوریہ العامیہ سائٹ ٹاﺅن کراچی کی جانب سے کہا گیا ہے کہ مفتی نعیم میں کرونا وائرس کی خبریں بے بنیاد ہیں ، عوام افواہوں پر کان نہ دھریں ۔ انہیں عارضہ قلب کے باعث ہسپتال منتقل کیا گیا تھا اور وہ صحتیاب ہو کر گھر واپس آچکے ہیں۔
ترجمان جامعہ بنوریہ نے مفتی نعیم صاحب مہتمم جامعہ بنوریہ کے کرونا وائرس کے حوالہ سے خبر کو بےبنیاد قرار دے دیا ہے pic.twitter.com/3IDQK6ANnK
— Muhammad Alyan Khan (@Muhammadalyan11) March 22, 2020
خیال رہے کہ سوشل میڈیا پر ایک ویڈیو گردش کر رہی ہے جس میں دیکھا جاسکتا ہے کہ مفتی نعیم کو کار میں سہارا دے کر بٹھایا جارہا ہے۔ سوشل میڈیا صارفین نے یہ دعویٰ کرنا شروع کردیا کہ مفتی نعیم نے عمرہ سے آنے والے زائرین سے ملاقاتیں کی تھیں جبکہ کچھ لوگوں نے یہ بھی دعویٰ کیا کہ مہتمم جامعہ بنوریہ نے مردان کے کچھ لوگوں سے ملے تھے جس کے باعث انہیں کرونا وائرس ہوا ہے۔
*مفتی نعیم میں کرونا کی تصدیق ہوگئی شدید طبیعت خراب ہونے کے باعث ہسپتال منتقل کر دیا گیا ہے. اطلاعات کے مطابق مفتی صاحب بیرونی دورے سے واپسی پر مردان کے افراد سے ملے* pic.twitter.com/8NTN7xUvoh
— Awaz-e-Dost (@AwazeDost6) March 22, 2020
