پنجاب حکومت نے سیاحتی مقامات اور شاپنگ مالز کے بعد ایک اور چیز بند کردی، نوٹیفکیشن جاری ، بڑی خبر
لاہور (ڈیلی پاکستان آن لائن )حکومت پنجاب نے لاہور اور سیالکوٹ میں تمام صنعتی یونٹ بند کرنے کا فیصلہ کر لیاہے اور نوٹیفکیشن جاری کر دیاہے ۔
نجی ٹی وی جیونیوز کے مطابق نوٹیفکیشن میں کہا گیاہے کہ خوراک اور ادویات تیار کرنے والی فیکٹریوں کے سوا تمام یونٹ بند رہیں گے ، صنعتی یونٹ غیر معینہ مدت کیلئے بند کر دیئے گئے ہیں ۔یہاں یہ امر بھی قابل ذکر ہے کہ دفعہ 144 کی خلاف ورزی کرنے ، مہنگے ماسک اور سیٹائزرز فروخت کرنے والوں کے خلاف کارروائیاں کی گئیں ہیں ، پچھلے تین دن میں 447 ملزمان کو گرفتار کیا گیاہے جبکہ 180 مقدمات درج کیے گئے ہیں ۔
یاد رہے کہ پاکستان میں گزشتہ 24 گھنٹوں کے دوران کورونا وائرس کے مزید 27 کسیز سامنے آئے ہیں جن کے بعداد مجموعی تعداد 803 ہو گئی ہے ۔ گزشتہ چوبیس گھنٹوں دو مزید اموات ہوئی ہیں جس کے بعد ملک میں جاںبحق ہونے والوں کی تعداد 6 ہو گئی ہے ۔یہاں یہ امر بھی قابل ذکر ہے کہ کورونا وائرس سے متاثرہ 6 افراد صحت یاب ہو کر گھروں کو لوٹ گئے ہیں ۔
پنجاب بھر میں کورونا سے متاثر ہ افراد کی تعداد 225 ، سندھ میں 352 ، اسلام آباد میں 15، کے پی کے میں 31، بلوچستان میں 108، گلگت بلتستان میں 71 ہو گئی ہے جبکہ آزاد کشمیر میں صرف ایک ہی کیس سامنے آیاہے ۔