ورون دھون اور جھانوی کپور کی فلم "بوال" کی ریلیز کی نئی تاریخ کا اعلان

ورون دھون اور جھانوی کپور کی فلم "بوال" کی ریلیز کی نئی تاریخ کا اعلان
ورون دھون اور جھانوی کپور کی فلم

  

ممبئی(ویب ڈیسک)بالی ووڈ کے معروف اداکار ورون دھون اور جھانوی کپور کی نئی فلم"بوال" کی ریلیز کے لیے نئی تاریخ کا اعلان کر دیا گیا۔

فلم کی پروڈکشن کمپنی ناڈیاڈ والا گرینڈ سنز نے اپنے آفیشل ٹوئٹر اکاؤنٹ پر فلم "بوال" کی ریلیز کے لیے نئی تاریخ کا اعلان کر دیا گیا ہے ،کمپنی کی جانب سے ٹوئٹ میں لکھا گیا ہے کہ" نیشنل ایوارڈ ونرز ساجد ناڈیاڈ والا اور نتیش تیواری فلم "بوال" کے ساتھ واپس آ گئے ہیں۔فلم  6 اکتوبر کو  زبردست تخلیق  کے ساتھ  اپنے قریبی تھیٹرز میں دیکھیں، جس میں ورون دھون اور جھانوی کپور مرکزی کردار ادا کرتے نظر آئیں گے"۔

یادر ہے کہ فلم "بوال" کو بنانے کا اعلان گزشتہ سال اپریل میں کیا گیا تھا، جس کے بعد فلم کی شوٹنگ لکھنؤ اور اتر پردیش میں کی گئی۔فلم کی ٹیم نے کچھ فوٹو گرافی کے لیے ایمسٹرڈیم، پولینڈ اور نیدر لینڈز کا سفر کیا اور فلم کی شوٹنگ گزشتہ سال اگست میں مکمل کر لی گئی۔فلم کی پروڈکشن کمپنی نے اسے اپریل 2023ء میں ریلیز کرنے کا اعلان کیا لیکن اس کے بعد فلم کی ریلیز مزید  تاخیر کا شکار ہوگئی ہے۔

خیال رہے کہ فلم"بوال" کی کہانی ایک چھوٹے شہر کے رہنے والے شخص کی زندگی کے گرد گھومتی ہے جو اپنے علاقے کی سب سے خوبصورت لڑکی کی محبت میں گرفتار ہو جاتا ہے اور اس سے شادی کرنا چاہتا ہے کیونکہ اسے امید ہوتی ہے کہ اس طرح اس کا مقام معاشرے میں بلند ہو گا۔

مزید :

تفریح -