الیکشن کمیشن نے انتخابات کا شیڈول واپس لے کر آئین کی خلاف ورزی کی، شیخ رشید کا ازخود نوٹس کیلئے چیف جسٹس کو خط

 اسلام آباد (ڈیلی پاکستان آن لائن) عوامی مسلم لیگ کے سربراہ شیخ رشید نے الیکشن کمیشن کی جانب سے انتخابات کا شیڈول واپس لینے پر چیف جسٹس پاکستان کو ازخود نوٹس لینے کیلئے خط لکھ دیا۔

نجی ٹی وی دنیا نیوز کے مطابق شیخ رشید نے خط میں لکھا کہ سپریم کورٹ نے الیکشن آئینی مدت میں کرانے کا حکم دیا تھا، الیکشن کمیشن نے شیڈول واپس لے کر آئین کی خلاف ورزی کی۔ الیکشن کمیشن شیڈول واپس لے کر توہین عدالت کا مرتکب ہوا۔شیخ رشید نے خط میں چیف جسٹس عمر عطا بندیال سے استدعا کی کہ الیکشن کمیشن کی جانب سے آئین کی خلاف ورزی پر ازخود نوٹس لیا جائے۔

ترکیے کے فیصلے ترک قوم کرتی ہے مغرب نہیں ، طیب اردوان کا صدارتی انتخابات میں جیت پر قوم سے خطاب

واضح رہے کہ الیکشن کمیشن نے 30 اپریل کو پنجاب میں ہونے والے عام انتخابات کا شیڈول واپس لے لیا ہے، اب پنجاب میں انتخابات کے لیے ووٹنگ کی تاریخ کیلئے 8 اکتوبر کا اعلان کیا گیا ہے۔