عدنان صدیقی اور مومن ثاقب کی رمضان کا چاند رات گئے نکلنےپر مضحکہ خیز ویڈیو وائرل
کراچی(ویب ڈیسک)پاکستان شوبز انڈسٹری کے معروف اداکار عدنان صدیقی نے ماہ رمضان کا چاند رات گئے نظر آنے پر ردِ عمل کا اظہار کرتے ہوئے کہا ہے کہ" اے سی کا کپڑا ٹی وی پر ڈالو"۔
فوٹو اینڈ ویڈیو شیئرنگ پلیٹ فارم انسٹا گرام پر سوشل میڈیا انفلوئنسر مومن ثاقب نے عدنان صدیقی کے ہمراہ ایک مزاحیہ ویڈیو شیئر کی ہے۔
اس ویڈیو میں انہوں نے رات گئے رمضان کے چاند کا اعلان کرنے پر ردِعمل کا اظہار کیا ہے۔ویڈیو میں دیکھا جاسکتا ہے کہ "عدنان صدیقی صوفے پر بیٹھے ٹی وی پر فلم دیکھ رہے ہیں اور مومن ثاقب بھاگتے ہوئے ان کے پاس آتے ہیں اور چاند نظر آنے کی خوش خبری دیتے ہیں"۔ جس پر عدنان صدیقی فوری طور پر اٹھتے ہیں، میز پر رکھی ہوئی ٹوپی اٹھا کر پہنتے ہیں اور اپنے نوکر کو آواز دے کر کہتے ہیں کہ "اے سی کا کپڑا ٹی وی پر ڈالو۔"
View this post on Instagram
بعد ازاں وہ اپنے مداحوں کو رمضان کی مبارک باد دیتے ہیں اور کہتے ہیں کہ "اللّٰہ سب لوگوں کی عبادتوں کو قبول کرے"۔
