پرویز خٹک ایک قومی اور دو صوبائی اسمبلی کے حلقوں سے الیکشن لڑیں گے

پرویز خٹک ایک قومی اور دو صوبائی اسمبلی کے حلقوں سے الیکشن لڑیں گے
پرویز خٹک ایک قومی اور دو صوبائی اسمبلی کے حلقوں سے الیکشن لڑیں گے

  

نوشہرہ (ویب ڈیسک) 2018 کے عام انتخابات کے لیے پاکستان تحریک انصاف نے نوشہرہ سے ممکنہ امیدواروں کا فیصلہ کرلیا۔ وزیر اعلیٰ پرویز خان خٹک ایک قومی اور دوصوبائی حلقہ سے الیکشن لڑیں گے۔ جبکہ دیگر ایک قومی اور تین صوبائی حلقہ کے امیدوار کے ٹکٹوں کافیصلہ بھی کرلیاگیا۔

یوٹیوب چینل سبسکرائب کرنے کیلئے یہاں کلک کریں

روزنامہ جنگ کے مطابق پاکستان تحریک انصاف پارلیمانی بورڈ نے درخواستوں پر غور شروع کرلیا اور ہر ضلع کی سطح پر فیصلے شروع کرلیے ہیں۔اس ضمن میں گزشتہ تین روز سے اجلاسوںکا سلسلہ جاری ہے اور نئی حلقہ بندیوں پر مضبوط امیدوا رکھڑے کرنے کا فیصلہ کیاگیا اس ضمن میں دوسرے سیاسی جماعتوں سے جو الیکٹ ایبل لوگ پی ٹی آئی میں شامل ہوئے ہیں ان پر بھی غور جاری ہے اور مضبوط امیدواروں کو تحریک انصاف کھڑ اکر ے گی اس میں یہ بھی دیکھا جائے کہ مضبوط برادری اور ایسے امیدوارجو اپنے چھ سات ہزار ووٹ رکھتے ہوں کو ترجیح دی جائے گی نوشہرہ کے حوالے سے ذرائع نے کہا کہ وزیر اعلی پرویز خٹک اپنے پرانے آبائی حلقہ پی کی64 کے ساتھ اس مرتبہ پی کے 61 اور این اے 25 سمیت تین حلقوںسے انتخاب لڑیں گےجبکہ اے این 26 سے ڈاکٹر عمران خٹک پی کے 62 سے ادریس خٹک، پی کے 63 سے میاں جمشید الدین کاکاخیل اور پی کے 65 سے میاں خلیق الرحمن کو پارٹی ٹکٹ دینے کا فیصلہ کرلیاگیا۔

واضح رہے کہ پی کے 61 کے تحریک انصاف کے 8 درخواستیں ائی جن میں گلریز حکیم خان، ساجد مشوانی، زر عالم خان، ملک ابرار، سکندر خان، حسن خان اور طہیم الدین بہرہ مند نے پارٹی ٹکٹ کے لیے درخواستیں دی تھی ان تمام کے ساتھ وزیر اعلیٰ نے کئی ملاقاتیں کی۔مگر اتفاق رائے نہ ہوسکا۔ اورسب نے اس بات پر اتفاق کیا کہ وزیر اعلی پرویز خان خٹک خو د یا اپنے خاندان سے کسی کو کھڑا کریں سب اس کاساتھ دیں گے۔چنانچہ اس کے پیش نظر پارٹی کو متحد رکھنے کے لیے پرویز خان خٹک کو خود اس حلقے سے الیکشن لڑنے کا فیصلہ کرلیا ہے۔

مزید : علاقائی /خیبرپختون خواہ /نوشہرہ