عید سے قبل بینظیر انکم سپورٹ پروگرام کی تیسری قسط ‘ مستحقین میں خوشی کی لہر

 ملتان (نیوز رپورٹر) بینظیر انکم سپورٹ پروگرام (بی آئی ایس پی) نے ملتان ڈویژن سمیت پنجاب میں سال 2018/19 کی تیسری سہ ماہی قسط کا اجراءکر دیا ہے۔ملتان ڈویژن سے تعلق(بقیہ نمبر15صفحہ12پر )

 رکھنے والے تین لاکھ کے قریب مستحق رجسٹرڈ خاندان اپنی سہ ماہی قسط قریبی پی او ایس ایجنٹ سے حاصل کر سکتے ہیں،ان خیالات کا اظہار ڈویژنل ڈائریکٹر بی آئی ایس پی ملتان/بہاولپور اشفاق احمد ہراج نے کیا۔ان کا کہنا تھا کہ بی آئی ایس پی سے رجسٹرڈ خواتین اپنی 5000 روپے کی سہ ماہی قسط قریبی پی او ایس ایجنٹ سے بائیو میٹرک تصدیق کے بعد وصول کر سکتی ہیں۔اس رقم کو وصول کرنے کی کوئی فیس نہیں ہے۔خواتین اپنی پوری رقم کے حصول کے بعد گن کر تسلی کر لیں اور رسید ضرور وصول کریں۔ پی او ایس ایجنٹ کی طرف سے کسی بھی قسم کی شکایت یا کٹوٹی کی صورت میں فوری طور پرہیلپ لائن 080026477 یا قریبی بی آئی ایس پی تحصیل آفس میں رابطہ کر کے شکایت کا اندراج کروائیں۔ ان کا مزید کہناتھا کہ بی آئی ایس پی ملتان ڈویژن کی ٹیم مستعد طریقے سے مانیٹرنگ کے فرائض سر انجام دے رہی ہے تاکہ خواتین کو ان کی رقم بنا کسی کٹوتی اور فراڈ کے مل سکے۔اس سلسلے میں خواتین کی رہنمائی اور آسانی کے لیے رقم کے حصول کے معلوماتی فلیکس تمام تحصیل دفاتر میں آویزاں کر دیے گئے ہیں۔
قسط