نیب قانون میں تبدیلی،دائرہ کار متعین کرناوقت کا تقاضا ہے

اے این پی کے مرکزی رہنما افتخار حسین نے کہا ہے اس وقت احتساب ایک مذاق بن کررہ گیا ہے نیب صرف اپوزیشن کیخلاف متحرک ہے جو نیب زدہ شخص حکومت میں شامل ہو جائے اس کیخلاف نیب تفتیش بند کردیتا ہے۔وہ ایشو آف دی ڈے میں اظہار خیال کررہے تھے۔ ا نہوں نے کہا میڈیا خود اس بات کو غور سے دیکھے جو لوگ حکومت میں شامل ہیں اگر ان کی کوئی نیب کی تفتیش چل رہی ہے تو نیب کی ناقص تفتیش کی و جہ سے اس کی تو ضمانت ہو جاتی ہے لیکن اپوزیشن کے لوگوں کو بغیر کسی ثبوت اور ریفرنس کے پکڑا جاتا ہے اور ان کی کرادر کشی بھی کی جاتی ہے اسلئے ضرورت اس امر کی ہے نیب کا ایک دائرہ کار متعین کیا جائے اس کیلئے نئے سرے سے قانون سازی کی جائے نیب کے حوالے سے از سر نو قانون سازی کے بارے میں دبے لفظوں کچھ حکومتی لوگ بھی کہتے ہیں لیکن کھلم کھلا بات کرنے سے ڈرتے ہیں۔
افتخار حسین