امریکہ کےبعد ایک اور ملک نے عبادت خانے کھولنے کاحکم دے دیا

امریکہ کےبعد ایک اور ملک نے عبادت خانے کھولنے کاحکم دے دیا
امریکہ کےبعد ایک اور ملک نے عبادت خانے کھولنے کاحکم دے دیا

  

پیرس (ڈیلی پاکستان آن لائن) فرانس میں دو ماہ تک لاک ڈاؤن جاری رہنے کے بعد آج کے دن سے عبادت گاہیں کھولنے کی اجازت دے دی گئی ہے۔ تاہم عبادت گزاروں کو کئی ضوابط کی پاسداری کرنی ہوگی۔

بی بی سی کے مطابق فرانسیسی وزارتِ داخلہ نے جمعے کو اعلان کیا کہ عبادت کے اجتماعات کی اجازت ہوگی تاہم شرکت کرنے والوں کو داخلے سے پہلے ہاتھ دھونے ہوں گے، چہرے پر ماسک پہننا ہوگا،اورہرکسی سے دو میٹر کا فاصلہ برقرار رکھنا ہوگا۔

فرانس کے حکام نے رواں ماہ کے اوائل میں لاک ڈاؤن اقدامات میں نرمی کر دی تھی تاہم انھوں نے عبادت کے اجتماعات پر پابندی برقرار رکھی تھی جس پر مذہبی گروہوں کی جانب سے شکایت کی گئی۔

یہ اعلان ایسے وقت میں سامنے آیا ہے جب امریکہ کے صدر ڈونلڈ ٹرمپ نے ریاستی گورنرز کو عبادت کے مقامات کھولنے کا حکم دیا اور کہا کہ یہ ‘لازمی خدمات’ ہیں۔

انھوں نے گورنرز کو خبردار کیا کہ اگر انھوں نے انکار کیا تو وہ ان کا حکم مسترد کر دیں گے۔

امریکی صدر کے پاس ایسا کرنے کا براہِ راست اختیار نہیں ہے تاہم وہ وفاقی امداد ضرور روک سکتے ہیں۔

مزید :

بین الاقوامی -