طیارہ حادثہ: پی آئی اے کا جاں بحق افراد کی تدفین کیلئے فی کس امداد دینے کا اعلان

طیارہ حادثہ: پی آئی اے کا جاں بحق افراد کی تدفین کیلئے فی کس امداد دینے کا ...
طیارہ حادثہ: پی آئی اے کا جاں بحق افراد کی تدفین کیلئے فی کس امداد دینے کا اعلان

  

کراچی (ویب ڈیسک) قومی ائیرلائن پی آئی اے نے طیارہ حادثے میں جاں بحق ہونے والے افراد کی تدفین کے لیے فی کس 10 لاکھ روپے دینے کا اعلان کیا ہے۔

ترجمان پی آئی اے عبداللہ خان کے مطابق طیارے میں شہید ہونے والوں کے جسد خاکی لواحقین کے حوالے کرنے کا عمل جاری ہے اور لواحقین کو تدفین کے لیے پی آئی اے کے قوانین کے مطابق 5 لاکھ روپے ادا کیے جاتے ہیں۔ترجمان نے کہا کہ وزیر اعظم پاکستان کی خصوصی ہدایت پر تدفین کےلیے فی کس 10 لاکھ روپے ادا کرنے کا فیصلہ کیا گیا ہے جب کہ تدفین کے اخراجات پی آئی اے کے ڈسٹرکٹ مینیجرز خود لواحقین کے گھر جا کے ادا کریں گے۔ترجمان پی آئی اے کا کہنا تھا کہ جائے حادثہ سے تمام لاشیں نکال لی گئی ہیں۔واضح رہے کہ گزشتہ روز قومی ائیرلائن کی پرواز کو پیش آنےوالے حادثے کے نتیجے میں جہاز کے عملے سمیت 97 افراد جاں بحق ہوگئے۔

مزید :

علاقائی -سندھ -کراچی -