شہری  گھرکےاندرہی عیدکاتہوارمنائیں۔۔۔ترک صدر نے اپنی قوم سےبڑی اپیل کر دی

شہری  گھرکےاندرہی عیدکاتہوارمنائیں۔۔۔ترک صدر نے اپنی قوم سےبڑی اپیل کر دی
شہری  گھرکےاندرہی عیدکاتہوارمنائیں۔۔۔ترک صدر نے اپنی قوم سےبڑی اپیل کر دی

  

استنبول(رانا فیصل عزیز)ترک صدر رجب طیب  ایردوآن نےعید الفطر کی مبارکباد دیتے ہوئے ترک عوام پر زور دیا ہے کہ انسانیت کورونا وائرس کےبحران کی وجہ سےسخت امتحان سےگذررہی ہے،اس وجہ سےترک شہری  گھرکےاندرہی عیدکاتہوارمنائیں۔

تفصیلات کے مطابق رمضان المبارک کے مقدس ماہ کے اختتام پر ترک صدر رجب طیب ایردوآن  نے کہا ہے کہ انسانیت کورونا وائرس کے بحران کی وجہ سے سخت امتحان سے گذر رہی ہے ، تاہم ترکی اس کے تدارک کے عمل کو بہت اچھی طرح سے نبھا رہا ہے اگرچہ معیشت اور معاشرتی زندگی شدید متاثر ہوئے ہیں۔صدر رجب طیب ایردوآن  کا کہنا تھا کہ  ترکی نے دنیا کو انسانیت کا سبق دیا ہے،ترکی نے اپنی طبی ضروریات کے علاوہ بہت سے ممالک کی مدد بھی کی ہے ،ترک حکومت اس وائرس کے مضر اثرات کو کم کرنے کے لئے کام کرتی رہے گی۔

انہوں نے کورونا وبا کے دوران خدمات سرانجام دینے والے سرکاری و غیر سرکاری اہلکاروں کی تعریف کرتے ہوئے کہا کہ مجھے امید ہے کہ وائرس کے بعد کے دور میں جہاں دنیا سیاسی اور معاشی طور پر تنظیم نو کرے گی وہاں ہم ترکی کی طاقت ، دولت اور فلاح و بہبود اور ترقی کی منازل طے کریں گے۔

مزید :

بین الاقوامی -