موٹرسائیکل چھین کر فرار ہونیوالے 2ڈاکو جوابی فائرنگ میں زخمی 

لاہور(کرائم رپورٹر)چوہنگ کے علاقے اینٹی کارلفٹنگ سٹاف اور موٹرسائیکل چھیننے والے ڈاکوؤں کے درمیان فائرنگ کے نتیجے میں دو ڈاکو زخمی حالت میں گرفتار کر لیے گئے تفصیلات کے مطابق میں ایل ڈی اے ایوینو میں دوران چیکنگ اینٹی وہیکلز لفٹنگ سٹاف نے شہری ریاست سے موٹرسائیکل اور نقدی چھین کر فرار ہونے والے ڈاکوؤں کو روکنے کی کوشش کی تو انہوں نے پولیس پر فائرنگ کر دی اس دوران پولیس کی جوابی فائرنگ سے دونوں ڈاکو زخمی ہو گئے جنہیں گرفتار کر کے طبی امداد کے لیے ہسپتال منتقل کر دیا گیا گرفتار ملزمان میں علیم اور عبدالرحمن شامل ہیں پولیس کے مطابق ملزمان کیخلاف لاہور سمیت پنجاب کے مختلف تھانوں میں موٹر سائیکل سنیچنگ کے درجنوں مقدمات درج ملزمان چوری شدہ موٹرسائیکل کوئٹہ لے جا کر فروخت کرتے تھے۔