ویسٹ انڈیز کیخلاف عمدہ پرفارمنس ہدف ہے، فخر زمان

لاہور(آئی این پی)قومی کرکٹ ٹیم کے اوپننگ بلے باز فخر زمان کا کہنا ہے کہ ان کا ہدف ویسٹ انڈیز کے خلاف ون ڈے سیریز میں سب سے زیادہ رنز بنانے والا کھلاڑی بننا ہے۔تفصیلات کے مطابق فخر زمان نے لاہور میں میڈیا سے گفتگو کرتے ہوئے کہا کہ میری تمام تر توجہ ویسٹ انڈیز کی سیریز پر ہے اور جس طرح سے ہماری تیاری چل رہی ہے، ہم کیمپ میں بہت اچھا وقت گزار رہے ہیں، مقصد آئندہ سیریز میں ٹاپ اسکورر بننا اور زیادہ  رنز بنانا ہے۔انہوں نے کہا کہ اس شدید گرمی میں، گیند بازوں کے مسائل زیادہ ہیں یہ ہمارے بلے بازوں کے لیے ٹھیک ہے،ہمارا زیادہ تر کرکٹ اس موسم میں کھیلتے ہیں اس لیے ہمیں کوئی فرق نہیں پڑتا۔آسٹریلیا کے دورہ پاکستان کے اثرات کے بارے میں پوچھے جانے پر  فخر زمان نے کہا کہ ہوم گرانڈز پر ایسی مسابقتی کرکٹ سیٹیم کو بہت فائدہ ہوا ہے۔فخر زمان نے کہا کہ  آسٹریلیا ایک شاندار سائیڈ ہیں اور ایک طویل عرصے کے بعد انہوں نے ہمارا دورہ کیا ہے،جس سے ہمارے شائقین نے بہت لطف اٹھایا۔