اس طرح کوئی کریانے کی دکان نہیں چلاتا، لانگ مارچ سے قبل فردوس عاشق اعوان بھی متحرک ہوگئیں

 اسلام آ باد (آئی این پی )پاکستان تحریک انصاف( پی ٹی آئی) رہنما فردوس عاشق نے کہا ہے کہ صرف الیکشن ہی مسائل کا حل ہیں۔ 
لانگ مارچ سے قبل سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں پی ٹی آئی رہنما فردوس عاشق نے لکھا کہ امپورٹڈ ٹولہ سوچ سے بھی زیادہ نااہل، نکما اور نکھٹو ثابت ہوا، اس طرح کوئی کریانہ کی دکان نہیں چلاتا جس طرح یہ ملک چلا رہے ہیں۔ جاری کردہ ٹوئٹ میں فردوس عاشق لکھتی ہیں کہ تیزی سے ڈالر بڑھ رہا ہے، مہنگائی بڑھ رہی اورعوام میں تشویش بڑھ رہی ہے۔ انہوں نے مزید کہا کہ الیکشن ہی مسائل کا حل ہیں کیونکہ امپورٹڈ نے پی ٹی آئی حکومت کے اقدامات اوراصلاحات کا بیڑہ غرق کردیا ہے۔

امپورٹڈ ٹولہ سوچ سے بھی زیادہ نااہل نکما نکھٹو ثابت ہوا۔اس طرح کوئی کریانہ کی دکان نہیں چلاتا جس طرح یہ ملک چلا رہے ہیں۔تیزی سے ڈالر بڑھ رہا ,مہنگائی بڑھ رہی اورعوام میں تشویش بڑھ رہی ہے۔امپورٹڈ نے پی ٹی آئی حکومت کے اقدامات اوراصلاحات کا بیڑہ غرق کردیاہے۔الیکشن ہی مسائل کا حل ہے

— Dr. Firdous Ashiq Awan (@Dr_FirdousPTI) May 23, 2022