ایم کیو ایم پاکستان حلوہ نہیں لوہے کے چنے ہیں:فاروق ستار

ایم کیو ایم پاکستان حلوہ نہیں لوہے کے چنے ہیں:فاروق ستار

  

کراچی (اسٹاف رپورٹر) ایم کیو ایم پاکستان کے سربراہ فاروق ستار نے کہا ہے کہ ایم کیو ایم پاکستان حلوہ نہیں لوہے کے چنے ہیں، ہمیں خیرات نہیں اپنا حق چاہئے۔ان خیالات کا اظہار انہوں نے بدھ کو میڈیا سے گفتگو کرتے ہوئے کیا، فاروق ستار نے کہا کہ سندھ کے شہری علاقوں اور کراچی میں ہمیں کم شمار کیا گیا، ڈیڑھ کروڑ تو بہنوں کی آبادی ہے ہمارے بھائیوں کو بھی گنا جائے۔انہوں نے کہا کہ پانچ فیصد مردم شماری کا آڈٹ تھرڈ پارٹی سے دوبارہ ہوگا، پانچ نومبر جلسے سے مردم شماری کے پانچ فیصد آڈٹ کا اعلان ہوگیا، مسائل حل کرانے کے لیے بینکوں سے قرض لینا پڑا تو لیں گے۔فاروق ستار نے کہا کہ مردم شماری ٹھیک ہوئی تو وزیر اعلی سندھ کی کرسی بھی خالی ہوگی، اپنا حق اور ٹیکس 2018 کے بعد سود کے ساتھ واپس لیں گے۔سربراہ ایم کیو ایم پاکستان نے کہا کہ سندھ کی سیاست کا کچرا بھی 2018 میں صاف ہوجائے گا، مل کر کام کریں گے تو عوام کے مسائل حل ہوں گے۔انہوں نے کہا کہ آج کچرا اٹھانے کی مشینیں لگائی ہیں، ہم مشینیں لگارہے ہیں وہ پیسہ بنارہے ہیں، چند ارب کی خیرات دے کر ہمیں ہرانے کی منصوبہ بندی کررہے ہیں، وسائل صوبائی حکومت کے پاس ہیں۔

مزید :

کراچی صفحہ اول -