سابق امریکی صدر باراک اوبامہ کی بیٹی کی شرمناک ویڈیو منظر عام پر آگئی، باپ کی ساری زندگی کی عزت خاک میں مل گئی

سابق امریکی صدر باراک اوبامہ کی بیٹی کی شرمناک ویڈیو منظر عام پر آگئی، باپ کی ...
سابق امریکی صدر باراک اوبامہ کی بیٹی کی شرمناک ویڈیو منظر عام پر آگئی، باپ کی ساری زندگی کی عزت خاک میں مل گئی

  

بوسٹن (ڈیلی پاکستان آن لائن)امریکہ کے سابق صدر باراک اوبامہ کی بڑی صاحبزادی مالیا اوبامہ اپنی عیاش طبیعت کے باعث کئی بار خبروں کی زینت بنی ہیں جس کی وجہ سے اوبامہ کو بھی مسائل کا سامنا کرنا پڑا۔ اب پھر مالیا کی ایک شرمناک ویڈیو منظر عام پر آئی ہے جس میں انہیں ایک برطانوی لڑکے کے ساتھ سر عام شرمناک حرکتیں کرتے دیکھا جاسکتا ہے۔

غیر ملکی میڈیا کے مطابق امریکہ کے سابق صدر اوبامہ کی بڑی بیٹی مالیا اوبامہ ان دنوں ہارورڈ یونیورسٹی میں زیر تعلیم ہیں جہاں انہیں برطانیہ کے ساتھی طالبعلم کے ساتھ فٹبال میچ سے قبل سرعام بوس و کنار کرتے ہوئے دیکھا گیا ہے۔ جب مالیا یہ حرکتیں کر رہی تھیں اسی وقت دور کھڑے کسی طالبعلم نے ان دونوں کی ویڈیو بنا کر سوشل میڈیا پر ڈال دی جو دیکھتے ہی دیکھتے وائرل ہوگئی۔

برطانوی اخبار ڈیلی میل کے مطابق مالیا اوبامہ جس برطانوی لڑکے کے ساتھ معاشقہ لڑا رہی ہیں اس کانام روڑی فارکیوہرسن ہے جو ہائی سکول کی ٹیم کے کپتان کے طور پر رگبی کھیلتا رہا ہے جبکہ روڑی اپنے سکول کی جانب سے گولف بھی کھیل چکا ہے۔خیال رہے کہ مالیا اور روڑی کا معاشقہ ایسے وقت میں سامنے آیا ہے جب ہارورڈ یونیورسٹی میں کچھ ہی روز بعد طلبہ کے والدین کیلئے ڈنر رکھا گیا ہے۔

واضح رہے کہ اس سے قبل بھی مالیا اوبامہ اپنی حرکتوں کی وجہ سے خبروں کی زینت بنی رہی ہیں ، ایک بار ان کی چرس پیتے ہوئے ویڈیو منظر عام پر آئی تھی جس کی وجہ سے اوبامہ کو بطور صدر شدید شرمندگی کا سامنا کرنا پڑا تھا۔ اس کے علاوہ اوبامہ کے دور صدارت میں مالیا کی ایک ڈانس کلب میں فحش رقص کی ویڈیو بھی منظر عام پر آئی تھی۔

مزید : ڈیلی بائیٹس