سعودی عرب میں باپ کا نوعمر بیٹی پر بیچ چوراہے تشدد، ویڈیو سامنے آنے پر گرفتار کرلیا گیا
جدہ (ویب ڈیسک) سعودی عرب میں سکول کے باہر سڑک کنارے اپنی بیٹی کو تشدد کا نشانہ بنانے والے باپ کو پولیس نے حراست میں لے لیا۔
سعودی میڈیا کے مطابق سوشل میڈیا پر ایک دلخراش ویڈیو زیر گردش تھی جس میں ایک شخص کو اسکول کی طالبہ کو تشدد کا نشانہ بناکر گاڑی میں بٹھاتے اوروہاں سے روانہ ہوتے دیکھا جاسکتا ہے جس پر صارفین نے پولیس سے مذکورہ شخص کو گرفتار کرکے سزا دلوانے کا مطالبہ کیا تھا۔پولیس نے فوری طور پر کارروائی کرتے ہوئے مکہ سے مذکورہ شخص کو گرفتار کرلیا، یہ شخص طالبہ کا والد ہے اور بچی کو اسکول سے گھر لے جانے کے لیے آیا تھا۔ مقدمہ درج کرکے شہری سے تفتیش کا عمل جاری ہے جب کہ سماجی بہبود کی وزارت کو متاثرہ بچی کی دیکھ بھال کی ذمہ داری دی گئی ہے۔
كسر راسها بنافدة السيارة و سبب لها احراج قدام بنات المدرسة و غير الحالة النفسية اللي بتكون فيها
— فونتوول (@fontool) November 18, 2019
#نطالب_بمحاسبه_معنف_ابنته pic.twitter.com/EhXg0aneye
پولیس نے والد کی شناخت ظاہر کرنے سے انکار کرتے ہوئے کہا کہ بچی کا بیان قلم بند کرنے اور اہل خانہ کی رضامندی کے بعد ہی شناخت ظاہر کی جا سکے گی اور باقاعدہ مقدمہ چلایا جاسکے گا۔