مریم نواز نے دادی بیگم شمیم اختر کا یادگارویڈیو پیغام شیئر کردیا
لاہور (ویب ڈیسک) مسلم لیگ نون کی نائب صدر اور سابق وزیراعظم نواز شریف کی صاحبزادی مریم نواز نے گزشتہ روز انتقال کر جانے والی دادی بیگم شمیم اختر کا یادگار ویڈیو پیغام شیئر کردیا۔
مریم نواز نے اپنی ٹوئٹر پروفائل میں لیگی کارکن کی جانب سے ٹوئٹ کیا گیا ایک ویڈیو پیغام شیئر کیا جس میں بیگم شمیم اختر کو یہ کہتے سنا جاسکتا ہے کہ ’ان لوگوں نے جن لوگوں نے مجھے پریشان کر دیا اپنے بچوں کی وجہ سے چاہے مجھے تکلیف بھی ہے میں اپنے بچوں کے ساتھ جاؤں گی۔‘
ان لوگوں نے جن لوگوں نے مجھے پریشان کر دیا اپنے بچوں کی وجہ سے چاہے مجھے تکلیف بھی ہے میں اپنے بچوں کے ساتھ جاؤں گی نواز شریف جب مریم کے ساتھ جیل جانے آ رہے تھے تو والدہ زخمی دل لیے ساتھ جانے کے لیے بضد تھی
— Advocate (@LawyerPmln) November 22, 2020
نواز شریف کی جنت کو تکلیفیں دینے والوں کا بھی یوم حساب ہو گا انشااللہ pic.twitter.com/ZtJqVyBF0a
ٹوئٹ میں بتایا گیا کہ نواز شریف جب مریم کے ساتھ جیل جانے آ رہے تھے تو والدہ زخمی دل لیے ساتھ جانے کے لیے بضد تھیں۔
یاد رہے کہ سابق وزیراعظم نواز شریف کی والدہ بیگم شمیم اختر طویل علالت کے بعد انتقال کرگئیں، رہنما (ن) لیگ عطاءاللہ تارڑ نے نواز شریف کی والدہ کے انتقال کی تصدیق کی۔
سابق وزیر اعظم نواز شریف اور سابق وزیر اعلی پنجاب میاں شہباز شریف کی بہن کوثر اپنی والدہ بیگم شمیم اختر کی میت کو لے کر دو سے تین روز میں لندن سے پاکستان روانہ ہوں گی۔
نواز شریف کی والدہ شدید علالت کے باوجود فروری میں لندن روانہ ہوئی تھیں، ڈاکٹروں نے انہیں طویل سفر سے منع کیا تھا لیکن انہوں نے اپنے بیٹے کے پاس جانے کا کہا۔
نواز شریف اور شہباز شریف کی والدہ بیگم شمیم اختر کی عمر تقریبا 90 سال تھی جبکہ ان کے خاوند میاں محمد شریف کا 2004ء میں جدہ میں انتقال ہوا تھا۔