پاکستان او ر زمبابوے کے درمیان ون ڈے سیریز کا کل سے آغاز

ہرارے(یواین پی) زمبابوے اور پاکستان کی کرکٹ ٹیموں کے درمیان تین ون ڈے انٹرنیشنل میچوں پر مشتمل سیریز کا آغاز  کل کوئنز سپورٹس کلب بلاوایو میں پہلے میچ سے ہو گا۔ پاکستان کی کرکٹ ٹیم زمبابوے پہنچ چکی ہے جہاں وہ میزبان ٹیم کے خلاف تین ون ڈے اور تین ٹی ٹونٹی بین الاقوامی میچوں کی سیریز کھیلے گی۔میزبان سکواڈ کی قیادت ارون کریگ جبکہ مہمان پاکستانی ٹیم کی سربراہی محمد رضوان کریں گے پاکستان ٹیم کے کپتان محمد رضوان کا کہنا ہے کہ زمبابوے سے سیریز جیتنے کے لئے تیار ہیں۔دونوں ٹیموں کے درمیان 3 ون ڈے کرکٹ میچوں کی سیریز کا آغاز 24نومبر کو ہوگا،دوسرا ون ڈے 26 نومبر اور تیسرا و آخری میچ 28 نومبر کو کھیلا جائے گا، تینوں ون ڈے ایک ہی مقام کو ئنز سپورٹس کلب بلاوایو میں کھیلے جائیں گے۔