باجوڑ ( ڈیلی پاکستان آن لائن )باجوڑ میں 2 دھماکوں کی اطلاعات موصول ہوئی ہیں ۔
تفصیلات کے مطابق باجوڑ میں 2دھماکوں میں پولیس اہلکار سمیت 2 افراد جاں بحق ہوئے ہیں ۔ دھماکوں کے واقعات کے بعد پولیس نے تفتیش شروع کر دی ہے
"جیو نیوز " کے مطابق ڈی پی او وقاص رفیق نے بتایا کہ ہفتے کے صبح ضلع باجوڑ کے تحصیل ماموند میں2 الگ الگ بم دھماکوں میں 2 افراد جاں بحق ہوئے۔پہلا بم دھماکہ تھانہ لوئی ماموند کی حدود کے علاقے ایراب میں ہوا جس میں ملک اصغر جاں بحق ہوئے۔دوسرا دھماکہ تھانہ لوئی ماموند کے علاقے مینہ خوڑ میں ہوا جس میں پولیس اہلکار احسان اللہ جاں بحق ہوا۔
ڈی پی او کا کہنا ہے کہ دھماکوں کے واقعات کے بعد پولیس نے تفتیش شروع کر دی ہے تاہم ابھی تک کسی نے ذمہ داری قبول نہیں کی ۔