پاکستانی کپتان شان مسعود لندن ایئر پورٹ پر پھنس گئے، انتظامیہ کے سلوک پر مایوسی کا اظہار

لندن(ڈیلی پاکستان آن لائن)قومی ٹیسٹ ٹیم کے کپتان شان مسعود لندن کے گیٹ وک ائیر پورٹ پر پھنس گئے۔

سوشل میڈیا پلیٹ فارم ایکس پر  جاری پیغام میں شان مسعود کا کہناتھا کہ وہ گزشتہ 12 سے زائد گھنٹوں سے لندن کے گیٹ وک ائیرپورٹ پر پھنسے رہے۔ شان مسعود نے  مزید کہا کہ میں سکیورٹی مسائل سے واقف ہوں لیکن گیٹ وک ائیرپورٹ اور برٹش ائیرویز کا رویہ مایوس کن ہے جب کہ میں  اپنے سامان کی چیکنگ یا اپنے سفر کو دوبارہ ترتیب نہیں دے سکتا۔واضح رہے کہ کپتان شان مسعود  کا گلوبل سپر لیگ ٹی ٹوئنٹی  کیلئے ہیمپشائر کرکٹ سے معاہدہ طے پاچکا ہے۔