سہ ماہی جولائی تاستمبر کے دوران ٹیکسٹائل برآمدات میں 3.99فیصدکمی

سہ ماہی جولائی تاستمبر کے دوران ٹیکسٹائل برآمدات میں 3.99فیصدکمی

  

لاہور (کامرس رپورٹر)رواں مالی سال کی پہلی سہ ماہی جولائی تا ستمبر کے دوران پاکستان کی ٹیکسٹائل برآمدات میں 3.99 فیصدکمی ہوئی ہے۔ جس کے نتیجے میں ٹیکسٹائل برآمدات 3 ارب 41 کروڑ 73لاکھ29 ہزار ڈالر تک محدود ہوگئی جو گزشتہ سال کی اسی مدت میں 3 ارب 55 کروڑ 93 لاکھ 42 ہزار ڈالر رہی تھی۔ پاکستان بیورو شماریات سے جاری ماہانہ رپورٹ کے مطابق پہلی سہ ماہی میں خام روئی23.90، سوتی دھاگے 21.78 فیصد، سوتی کپڑے13.52فیصد اور بیڈ ویئر کی ایکسپورٹ میں 3.27 فیصد کمی ہوئی جبکہ نٹ ویئر 11.16 فیصد، ٹاولز 3.65، خیمے و ترپال 157.96 فیصد اور ریڈی میڈگارمنٹس کی پیداوار میں 2.78 فیصد کا اضافہ ہوا ۔رپورٹ کے مطابق جولائی تا ستمبر کے دوران کھانے پینے کی تمام اشیا کی ایکسپورٹ میں کمی ہوئی، مجموعی طور پر 3ماہ کے دوران فوڈگروپ کی برآمدات 10.05 فیصد گھٹ گئیں، چاول کی برآمدات میں 10.34 فیصد، مچھلی و مچھلی کی مصنوعات کی برآمدات میں 8.17 فیصد، پھل16.38، سبزیوں 45.46 فیصد، دالوں 100 فیصد، گندم 99.75 فیصد، مصالحہ جات1.60 فیصد، تیلدار بیج 41.02 فیصد، گوشت اور گوشت کی مصنوعات 21.71 فیصد اور دیگر فوڈ آئٹمز کی برآمدات میں 13.02 فیصد کمی ہوئی جبکہ صرف چینی کی برآمد میں 139.16 فیصد کا اضافہ ہوا۔

 ٹیکسٹائل برآمدات

مزید :

صفحہ آخر -