ڈاکٹر عامر لیاقت حسین بہت جلد تحریک انصاف کا حصہ بننے والے ہیں: نبیل گبول کا دعویٰ
کراچی (ڈیلی پاکستان آن لائن) پاکستان پیپلز پارٹی کے رہنما نبیل گبول نے دعویٰ کیا ہے کہ اینکر پرسن ڈاکٹر عامر لیاقت حسین بہت جلد تحریک انصاف کا حصہ بننے والے ہیں۔
ٹوئٹر پر اپنے ایک پیغام میں نبیل گبول نے دعویٰ کیا کہ عمران خان کو کراچی کے جلسے میں بہت ہی مزہ آنے والا ہے کیونکہ ڈاکٹر عامر لیاقت حسین 25 اکتوبر کو پی ٹی آئی میں شمولیت کا اعلان کریں گے۔
Imran khan wil hv more fun now in his jalsa coz Dr Aamir liaquat joining PTI on 25th oct.
— Nabil Gabol (@Nabilgabol) October 23, 2017
واضح رہے کہ اس سے قبل عامر لیاقت حسین طویل عرصے تک متحدہ قومی موومنٹ کا حصہ رہے ہیں ، جبکہ اپنے سیاسی کیریئر کے دوران وہ وفاقی وزیر مذہبی امور بھی رہ چکے ہیں ۔ 22 اگست کو الطاف حسین کی پاکستان مخالف تقریر کے بعد ڈاکٹر عامر لیاقت حسین نے ایم کیو ایم کو خیر باد کہہ دیا تھا ۔ آج کل وہ اپنے پروگرام کے دوران بانی ایم کیو ایم کو کافی تنقید کا نشانہ بناتے ہیں۔
اے این پی کے جلسے میں چرس کے سوٹے ،اسفند یار ولی نے اردو میں تقریر شروع کی تو نشے میں ڈوبے کارکنوں نے ایسا کام کردیا کہ آپ بھی اپنی ہنسی پر قابو نہ رکھ پائیں گے
خیال رہے کہ جب عامر لیاقت حسین نے 22 اگست کی تقریر کے بعد ایم کیو ایم سے کنارہ کشی اختیار کی تھی تو اس وقت بھی خبریں گردش کر رہی تھیں کہ وہ پی ٹی آئی کا حصہ بننے جا رہے ہیں۔
